ကိုယ်ကတော့ ၁ဒေါ်လာဖိုး ၂ ဒေါ်လာဖိုးလောက်ပဲ ဝယ်ထားတယ်။ ပိုက်ဆံလည်းအများကြီး မရှိလို့ပါ။ 😁💪🏾🤭

Cryptocurrency ဈေးကွက်ကြီးကတော့ နီတာရဲလေးဖြစ်နေပါပြီ။ အကြောင်းရင်းတွေကတော့ Bitcoin Reserve တွေနဲ့ US စည်းကြပ်ခွန်တွေကြောင့် ဖြစ်နိုင်ပြီး cryptocurrency တွေတင်သာမက stock ရှယ်ယာဈေးတွေပါ ထိုးကျနေတာပါ။
.
ဒီအခြေအနေမျိုးကို Trump မတက်ခင်လေးတုန်းကလည်း ကြုံခဲ့ရဖူးပြီး မကြာခင်ရက်ပိုင်းအတွင်းမှာပဲ Trump ရွေးကောက်ပွဲနိုင်ပြီးနောက် ဈေးတွေ တခဏအတွင်းမှာ ပြန်ထောင်တက်သွားခဲ့တဲ့ သမိုင်းကြောင်းလည်း ရှိခဲ့ဖူးပါတယ်။ ဒါပေမယ့် အခုချိန်ကတော့ ထူးခြားဖြစ်စဉ်တွေကလည်း ကုန်သလောက်ဖြစ်နေပြီဖြစ်တာကြောင့် ဘယ်ချိန်ထိ ဒီလိုမျိုးကြီး ဆက်သွားနေမလဲ၊ bear market ပြန်လာပြီဆိုတဲ့ စိုးရိမ်မှုတွေ ရှိလာစေပါတယ်။
.
တကယ်တော့ bear market လာရင် ဘယ်လိုလုပ်မလဲဆိုပြီး တွေးကြောက်နေမယ့်အစား bear market မှာ ဘာလုပ်မလဲဆိုပြီး ကြိုတင်ပြင်ဆင််ထားတာက အကောင်းဆုံးရွေးချယ်မှုတခုပါ။
လောလောဆယ်မှာ Bitcoin Reserve တွေထဲ အလုံးအရင်းနဲ့ Bitcoin ဝယ်ဖြည့်မယ့် အစီအစဉ်မျိုးတွေ မရှိသေးတာကြောင့် industry ထဲက လူအတော်များများရဲ့ မှန်းချက်နဲ့ နှမ်းထွက်မကိုက်နိုင်ခဲ့ပေမယ့် နောက်ပိုင်းမှာ Bitcoin reserve တွေ ဝယ်စုနိုင်ဖို့အတွက် ဘဏ္ဍာငွေအရမ်းမသုံးရမယ့်နည်းလမ်းမျိုးတွေ ရှာထားဖို့ ညွှန်ကြားထားကြောင်း Trump ဆိုထားဖူးတာကြောင့် နောက်ပိုင်းမှာ ဘယ်လို နည်းဗျူဟာတွေသုံးပြီး Bitcoin တွေ ဝယ်စုသွားမလဲဆိုတာကလည်း စိတ်ဝင်စားစရာပါ။
.
အခုချိန်ကတော့ ကိုယ်ထိန်းချုပ်လို့မရမယ့်အရာတွေကို တွေးပူနေမယ့်အစား ထိန်းချုပ်နိုင်တဲ့အရာတွေကို ကြိုတင်ပြင်ဆင်တာက အကောင်းဆုံးဖြစ်နိုင်ပြီး ဘယ်လိုပြင်ဆင်လို့ရနိုင်မယ်ဆိုတာတွေကို ပြောပြပေးချင်ပါတယ်။
ဈေးကျနေတဲ့အချိန်မှာ တွေးသင့်တဲ့ပုံစံတခုကတော့ ဈေးကျနေတယ်လို့ မတွေးဘဲ ဈေးချနေတယ်လို့ တွေးတာ အကောင်းဆုံးပါပဲ။
.
ဥပမာ ကိုယ်က အရမ်းလိုချင်နေတဲ့အရာတခုကို ပုံမှန် 1,000 နဲ့ ရောင်းနေရာကနေ 500 နဲ့ ဈေးချရောင်းတယ်ဆို ဝယ်ကိုဝယ်မယ်လို့ တွေးသလိုပါပဲ။ ကိုယ်က Bitcoin လိုမျိုး cryptocurrency တွေကို ရေရှည်စုဆောင်းချင်တယ်၊ ကိုယ်ဝယ်မယ့် cryptocurrency ကလည်း ရှေ့ဆက် ဈေးတက်မယ့် အလားအလာရှိတယ်ဆိုရင် ဈေးကျနေတဲ့အချိန်ဟာ ကိုယ့်အတွက် ဝယ်ဖို့ အခွင့်အရေးပါ။
.
ဘာတွေစဥ်းစားရမလဲ?
ကိုယ်က ဒီ crypto ကို ဘာကြောင့်ကြိုက်တာလဲဆိုတာကို အကြိမ်ကြိမ်ပြန်မေး၊ ပြန်လေ့လာသင့်ပြီး ရေရှည်စုရကျိုးနပ်စေမယ့်၊ ခိုင်မာတဲ့ cryptocurrency တခုကိုပဲ ရေရှည်စုဆောင်းဖို့ အကြံပြုလိုပါတယ်။ ဝယ်မယ့် crypto ရွေးပြီးပြီဆိုရင်တော့ ဘယ်ဈေးနဲ့ ဘယ်လောက်တွေ ဝယ်မယ်ဆိုတာ ကြိုတင်စဉ်းစားလို့ရပါတယ်။ ဥပမာ အခုဈေးက 500 ဆိုရင် 500 ဈေးနဲ့ တခါတည်းအကုန်ဝယ်လိုက်တာမဟုတ်ဘဲ 400 ဈေးရောက်ရင် ဘယ်လောက်ဝယ်မယ်၊ 300 ဈေးရောက်ရင် ဘယ်လောက်ဝယ်မယ်ဆိုပြီး spot order တွေ တင်ထားလိုက်တဲ့အခါ သတ်မှတ်ဈေးတွေမှာ အလိုလို ဝယ်သွားပေးမှာပါ။ ဒီလို ခဏခဏ၊ ခွဲခွဲဝယ်တာမျိုးကို DCA လုပ်တယ်လို့ ခေါ်ပါတယ်။
.
DCA အတူ တွဲလုပ်သင့်တဲ့ နောက်တနည်းကတော့ crypto တခုတည်းကို ငွေကုန်သုံးပြီး ဝယ်တာမျိုးမဟုတ်ဘဲ ကိုယ့်စိတ်ကြိုက်ရွေးချယ်ထားတဲ့ လက်ရွေးစင် crypto တွေကို ခွဲခွဲဝယ်တဲ့ diversification နည်းစနစ်ကိုလည်းသိထားသင့်ပါတယ်။ ဒီလို diversify လုပ်ဖို့ဆိုရင် project တခုရဲ့ အနေအထားကို လေ့လာသုံးသပ်တတ်ဖို့ အရေးကြီးပြီး အလိမ်မခံရစေဖို့အတွက် ကိုယ့်ဖက်က ဆောင်ရန်၊ ရှောင်ရန်တွေကိုလည်း သိထားသင့်ပါတယ်။
.
အချိန်ရရင်တော့ blockchain ပေါ်က transaction data တွေကို လိုက်ကြည့်သင့်ပါတယ်။ ကိုယ်တိုင်လည်း ငွေအလွှဲအပြောင်းလုပ်ပြီးတဲ့အခါ ဒီ transaction data တွေကတဆင့် ပြန်စစ်လို့ရနိုင်သလို သူများတွေ ငွေလွှဲထားတာတွေကိုလည်း blockchain scanner တွေကနေတဆင့် ကြည့်လို့ရနိုင်ပါတယ်။
.
သာမန်လူတယောက်ရဲ့ ငွေအရွှေ့အပြောင်းတွေကို သိချင်ရင်တော့ သူ့ရဲ့ wallet address သိနေမှ လုပ်လို့ရနိုင်မှာဖြစ်ပေမယ့် နာမည်ကြီး ပုဂ္ဂိုလ်တွေ၊ အဖွဲ့အစည်းတွေရဲ့ ငွေအလွှဲအပြောင်းတွေကို သိချင်ရင်တော့ သူတို့နဲ့ wallet တွေအပါအဝင် သူတို့နဲ့ ဆက်စပ်နေတဲ့ wallet တွေကို နာမည်တပ်ပေးထားတာမျိုးတွေရှိတာကြောင့် သူတို့က ဘယ်ကနေ ဘယ်ကို ဘာ cryptocurrency တွေ ဘယ်လောက်ရွှေ့နေတယ်ဆိုတာကို blockchain ပေါ်ကတဆင့် ထိုင်ကြည့်နေလို့ရပါတယ်။ ဥပမာ - wallet တခုခုကနေ cryptocurrency တခုခုကို $ million၊ $ billion ဖိုးနဲ့ချီပြီး CEX တွေထဲ ငွေသွင်းလိုက်တယ်ဆိုရင် ဒီ wallet ဟာ သူ့ရဲ့ crypto တွေကို CEX ပေါ်တင်ပြီး ထုတ်ရောင်းဖို့ စီစဉ်နေတာမျိုး ဖြစ်နိုင်ပါတယ်။ ဒီလိုအခါမျိုးတွေမှာ ရောင်းအားတွေ တက်လာတော့မယ်အထင်နဲ့ ဈေးကျတတ်တာမျိုးတွေလည်း ရှိတတ်ပါတယ်။
.
ဈေးကျတဲ့အခါမှာ ဈေးချတယ်လို့ မမြင်ဘဲ ဈေးတွေကျကုန်ပြီဟေ့ဆိုပြီး ကြောက်တတ်ကြသူတွေလည်း ရှိပါတယ်။ ဒါဟာလည်း ဖြစ်သင့်တဲ့အရာတခုဖြစ်ပြီး ဈေးကျတုန်းမှာ ဝယ်လိုက်တယ်ဆိုပေမယ့် ဈေးထပ်ကျသွားရင်ရော ထပ်ဝယ်မှာလား၊ ကျတာထက် ထပ်ကျသွားရင်ရော ထပ်ဝယ်မှာလားဆိုတာ စဉ်းစားစရာရှိပါတယ်။ ဈေးကျလာတာကို ဖမ်းဝယ်တာမျိုးဟာ ကျလာတဲ့ဓားကို ဆွဲဆုပ်ဖမ်းလိုက်သလိုမျိုးဖြစ်သွားခဲ့ရင်လည်း ကိုယ်ပဲ နာကျင်ရမှာဖြစ်တာကြောင့် project တခုရဲ့ လုပ်နေတဲ့အရာတွေ၊ ရှေ့ဆက်လုပ်မယ့်အရာတွေ၊ အခြားအဖွဲ့အစည်းတွေနဲ့ ပူးပေါင်းဆောင်ရွက်မှုတွေအပါအဝင် ထည့်စဉ်းစားရမယ့် အချက်တွေအများကြီးကို ထည့်စဉ်းစားပြီးမှသာ ဝယ်ဖို့အတွက် order ကြိုတင်ထားတာမျိုးတွေ လုပ်သင့်ပါတယ်။
.
အတိတ် သမိုင်း
ပစ္စုပ္ပန်နဲ့ အနာဂတ်အကြောင်းတွေ ပြောပြီးပြီဆိုတော့ အတိတ်ကို ပြန်သွားပြီး သမိုင်းလှန်ကြည့်ကြရအောင်ပါ။ 2020 ခုနှစ်အစမှာ Covid ကပ်ရောဂါ စဖြစ်လာတာနဲ့အတူ Bitcoin ရဲ့ ဈေးဟာ $10,000 အထက်မှာ ရှိနေရာကနေ $5,000 ကျော်အထိ ထိုးကျသွားခဲ့ပါတယ်။ ဒါပေမယ့်လည်း တနှစ်အတွင်းမှာတင်ပဲ $23,000 ကျော်အထိ ဈေးတက်သွားခဲ့ပြီး 2021 ခုနှစ်မှာ တရုတ်အစိုးရက cryptocurrency တွေ မ ban ခင်အချိန်ထိကို Bitcoin ရဲ့ ဈေးဟာ $49,000 ကျော်အထိ တက်သွားခဲ့ပါတယ်။ 2021 ခုနှစ် September လကုန်ပိုင်းမှာ တရုတ်အစိုးရက cryptocurrency တွေအားလုံးကို ban ကြောင်း ကြေငြာလိုက်ပြီးနောက်မှာတော့ Bitcoin ရဲ့ဈေးဟာ $43,000 နီးပါးအထိ ထိုးဆင်းသွားခဲ့ပြန်ပါတယ်။ ဒါပေမယ့် မကြာခင်မှာပဲ ဈေးတွေ တောက်လျှောက်ပြန်တက်လာခဲ့ပြီး 2021 ခုနှစ် November လမှာတော့ Bitcoin ရဲ့ ဈေးဟာ $69,000 အထိတက်ခဲ့ပြီး အမြင့်ဆုံးဈေးတခုအဖြစ် စံချိန်တင်နိုင်ခဲ့ပါတယ်။
.
ဒါပေမယ့် $69,000 ကနေ တအိအိပြန်ကျဆင်းလာခဲ့တဲ့ $BTC ဈေးတွေဟာ 2022 ခုနှစ် February လအတွင်း Russia ကျူးကျော်စစ်စအပြီး၊ May လ၊ LUNA နဲ့ UST stablecoin တို့ ပြိုလဲအပြီးမှာတော့ အဆင်းကို ဘီးတပ်ပေးသလိုဖြစ်သွားခဲ့ပြီး 2022 ခုနှစ် November လ FTX exchange ဒေဝါလီခံလိုက်ရအပြီးမှာတော့ Bitcoin ရဲ့ ဈေးဟာ $16,000 ဝန်းကျင်အထိ ရောက်သွားခဲ့ပြီး 2021 ခုနှစ် $69,000 အထိ တက်ခဲ့ပြီးနောက်ပိုင်း အဆိုးဆုံးအခြေအနေတခု ဖြစ်သွားခဲ့ပါတယ်။
.
ဒီအချိန်မှာ တခုလောက် စဉ်းစားကြည့်ကြရအောင်ပါ။ $69,000 ကနေ ဆင်းလာခဲ့တဲ့ Bitcoin ဈေးဟာ တနှစ်ကျော်ကာလလေးအတွင်းမှာ $16,000 အထိရောက်သွားချိန်မှာ Bitcoin တွေ ဝယ်ဖို့ ဒါမှမဟုတ် ဆက်ကိုင်ထားဖို့ စဉ်းစားသူအချိုးအစားဟာ များများစားစားမရှိလှပါဘူး။ အများစုရဲ့စိတ်ထဲမှာ ဝယ်ကိုင်ထားလိုက်ဖို့ ယုံကြည်မှုထက် တန်ဖိုးဆက်တိုက်ထိုးကျသွားရင် ဘယ်လိုလုပ်မလဲဆိုတဲ့ ကြောက်လန့်မှုက ပိုများလာပါတယ်။
ဒါပေမယ့်လည်း Bitcoin ကတော့ ဈေးတွေ ဖြည်းဖြည်းချင်း ပြန်တက်လာနိုင်ခဲ့ပြီး BlackRock တို့လို လုပ်ငန်းစုကြီးတွေက spot Bitcoin ETF တွေ ဝန်ဆောင်မှုပေးတော့မယ်ဆိုတဲ့ ကြေငြာချက်ဟာ Bitcoin ဈေးတွေ ပြန်တက်ဖို့ လောင်စာတခု ဖြစ်လာခဲ့ပါတယ်။
.
2023 ခုနှစ်တခုလုံးဟာ Bitcoin Bear အကုန် Bull အဝင် ကာလတခုဖြစ်ခဲ့ပြီး Trump တယောက် crypto နယ်ပယ်ထဲ ထဲထဲဝင်ဝင်ပါလာတဲ့ 2024 ခုနှစ်ကတော့ Bull Market တခု ပီပီပြင်ပြင်ပေါ်လာတဲ့ကာလတခုဖြစ်ခဲ့ပါတယ်။ အခု 2025 ခုနှစ်ကတော့ Trump ရဲ့ ဥပဒေတွေ၊ စည်းကြပ်ခွန်တွေကြောင့် စီးပွားရေးမှာ ထိခိုက်မှုတွေရှိလာတာနဲ့အတူ ရှေ့ဘာဆက်ဖြစ်လာမယ်ဆိုတာကို ပီပြင်သလိုလို၊ မပီပြင်သလိုလို ဖြစ်နေတဲကာလတခုအဖြစ် ယူဆနိုင်ပြီး ဈေးကွက်ရဲ့ အခြေအနေဟာ တခဏချင်းမှာ အပြောင်းအလဲအကြီးကြီးတွေဖြစ်ဖို့ အဆင်သင့်ရှိနေတဲ့ အနေအထားတခုအဖြစ် ယူဆနိုင်ပါတယ်။
.
ဒါကြောင့် အကောင်းဆုံးကတော့ ကိုယ်မထိန်းချုပ်နိုင်တဲ့ market ကြီးတခုလုံးကို ထိန်းချုပ်ဖို့ မကြိုးစားဘဲ ကိုယ်ထိန်းချုပ်နိုင်တဲ့ asset management ပိုင်းကို သေချာ လေ့လာစိစစ်ပြီး ပြင်ဆင်တာကတော့ အကောင်းဆုံးဖြစ်ပါလိမ့်မယ်။ ကိုယ်ယုံကြည်တဲ့ cryptocurrency တခုကို ဝယ်ကိုင်ထားလိုက်ပြီး ဒီ project ကလည်း တကယ်ကောင်းတယ်ဆိုရင် အချိန်တခုရောက်တဲ့အခါ အကျိုးအမြတ်တခုကတော့ ပြန်ထွက်လာမှာဖြစ်တာကြောင့် ဈေးကျတာကို မကြောက်ဘဲ ကိုယ်လုပ်စရာရှိတာတွေကို ဖြည်းဖြည်းမှန်မှန်လုပ်နေဖို့ကသာ အရေးအကြီးဆုံးပါပဲ။
.
Trader တစ်ယောက် အတွက် မရှိမဖြစ်လိုအပ်မှာကတော့ 10% discount ရတဲ့ Binance account link ပဲဖြစ်ပါတယ် အဲ့ဒီ link နဲ့ ဖွင့်ထားတဲ့အကောင့် မဟုတ်ဘူးဆိုရင် ဒီ link နဲ့ အကောင့်သစ် ဖွင့်ပြီးမှ Trading ကိုလုပ်သင့်ပါတယ်
https://accounts.binance.com/en/register?ref=SBKZZWWJ
.
Future Trading အတွက် Referral Code: myancrypto
Mining Account အတွက် Referral Code: E381THBL