في الوقت لي الناس كانت تستنى الصين تهدي اللعب شوية على العملات الرقمية، البارح المحكمة العليا والبنك المركزي خرجوا بقرارات نسفت كل التوقعات.
القضية ما بقاتش مجرد منع، بل ولات تجريم حقيقي وبقوانين صارمة جداً.
❌ أولاً.. أي استخدام للعملات الرقمية باش تحول دراهم للخارج أو تبدل العملة الصينية يعتبر رسمياً جريمة غسيل أموال يعاقب عليها القانون بالحبس والغرامات الكبيرة.
❌ ثانياً.. التقنيات الجديدة كيما رقمنة الأصول RWA أو العملات المستقرة لي تمثل الدولار وأشهر مثال عليها هو USDT، هذي ممنوع التعامل بيها نهائياً، وحتى المنصات الأجنبية لي تحاول تخدم الصينيين عن بعد راهم يعتبروها تمارس نشاط إجرامي.
بالمختصر الصين غلقوا الباب ورماوا المفاتح، الهدف باين يخليو الساحة خالية لعملتهم الرقمية الرسمية اليوان الرقمي فقط، لي راهم يخدموا بيه ويحاولوا ينشروه اكثر فأكثر.
لنرى كيف سيتفاعل السوق مع هدا الخبر، الحاجة لي تعجبك في الصين انو دايمن يلقاو الحللو الاستبياقية ونهار يكون المنع والحظر يكونوا قبلها وجدوا البديل المناسب ليهم ولشعبهم.
