انا بصراحه مشاعري متحكمة فيا من شهر ١٠ ما اتحركتش 😩😩😩

دخلت المحاضرة إمبارح في أحد الشركات وسألت المتدربين
لو معاك 86,400 جنيه@
وواحد سرق منك 10ج
هتجري وراه وتضيّع اللي في إيدك؟
ولا هتسيبه وتمشي؟
الكل قال: أكيد هسيبه وأكمل طريقي.
قولتلهم:
طيب ليه بتعملوا كده في الصفقات كل يوم؟! 🎯
86,400
ده عدد الثواني اللي عندك في اليوم ⌚️
صفقه فشلت… عمله “ضربت الاستوب ”… تحرك عرضي …
فتقعد تزعل، تتحرق، وتعيد الحوار في دماغك وتسيب اليوم كله يضيع 👎
➡️ عمله لم تحترم تحليلك = 10 ثواني
➡️ انك تعيش في الرفض طول اليوم = ضياع 86,390 ثانية
➡️ فرص صفقات ضاعت لأنك كنت مش في المود
أسوأ صفقة تخسرها؟
مش صفقة العمله … صفقة الوقت والطاقة والتركيز.
الـ متداول الشاطر مش اللي بيكسب كل الصفقات
الـ متداول الشاطر هو اللي
❌ ما يديش عمله أكتر من حجمها
❌ ما يخلّيش عمله تتحكم في يومه
✅ يعرف يقفل الصفقه ويفتح فرصة جديدة.
النجاح في الصفقه لعبة عقل قبل ما يكون تحليل فني
اللي ما يديرش مشاعره… مش هيعرف يدير صفقاته
صباحكم صفقات أعلى وعقل أهدى وتركيز أقوى 💜
#دكتور ابوبكر النادى #ادارةالوقت