في حاجة غريبة بتحصل | ترامب بيجهّز لضربة !
كلنا يا صديقي عارفين طبيعة ترامب !
ينيّمك ويقول الدنيا هادية واحنا بنتفاوض .. وهووووب تلاقيه وجّه ضربة سريعة خاطفة وقوية !
ودا اللي عمله اصلًا في بداية الحرب في اول يوم ..
قال احنا هنتفاوض وقام موجه ضربة لايران اغتـال فيها المرشد الله يرحمه !
طيب هو انا ليه حاسس بكدا ؟!
هقولك اللي بيحصل حوالينا يا صديقي بيقول كدا ..
اولًا حالة الانكسار اللي فيها الكيـان الصهيـ.ـوني دي مش طبيعية .. ليه فجأة كدا ابتدوا يصوروا الخسائر اللي عندهم وصور نضيفة من درونات ؟!
مش كدا وبس .. هيئة الاسعاف ومنظمة نجمة داوود الحمراء ابتدت تصرح بأعداد للمصابين والنافـ.ـقين .. هي اه اعداد اقل بكتير من الحقيقة .. لكنهم بدأوا يصرحوا بعد تكتم رهيب !
الاخطر من كدا بقى .. لما يتم التصريح علنًا في كل وسائل الاعلام الصهـ.ـيونيـة بإن في خلاف حالي بين ترامب والنتـن علشان ترامب عاوز ينهي الحـرب لكن نتنٌياهو عاوز يكمل لتحقيق اهداف الحـرب !
طيب تاخد الاغرب ؟!
رئيس اركان الجيش المحـ.ـتل " إيال زامير " يخرج بكل تلقائية ويطلع بتصريح غريب جدًا لا يُقال في وسط حرب .. صرّح بمنتهى الصراحة وقال : ( الجيش الاسراىيلي يتجه إلى الانهيار في ظل الحرب )
بقى الكيـان اللي بيداري على ضربات ايران وبيداري على اعداد المصـ.ـابين والنافـ.ـقين الحقيقية علشان ميظهرش بمظهر الضعف .. يطلع رئيس اركان جيشه ويقول احنا بننهار ؟!!
مش بس كدا .. دي القناة الـ 12 الاسراىـيلية تصوره وهو بيتفقد الميدان وبيلتقي بالجنود وبأفراد الاحتياط وأعلنت كدا بالحرف الواحد : ( ان رئيس الاركان يرى الجنود وهم ينهارون ومستنزفون هم وعائلاتهم )
تعالى نسيب الكيـان شوية ونروح لترامب اللي ماشي يعلن للعالم كله ان المفاوضات شغالة ومثمرة .. والنهاردا بيصرح ويقول :
( الايرانيون مفاوضون رائعون - سيتم تأجيل الضرب لـ ١٠ ايام - نحن في وسط مفاوضات مثمرة جدًا ونتجه إلى إنهاء الحـرب تمامًا - الحرب في مراحلها الاخيرة )
الكلام دا يا صديقي ميخرجش من ترامب الا لو بيدبر لحاجة !
طبعًا دا غير الاف الجنود من فرقة “ 82-A.A “ ومن المارينز اللي مازال بيتم نشرهم في الشرق الاوسط وفي القواعد العسكرية بالكويت والاردن والامارات وقطر والسعودية والبحرين !
بالاضافة بقى لكل دا أخدت بالي انا من حاجة غريبة جدًا، وأحد الاصدقاء على الصفحة كمان لفت نظري لحاجة ..
ان في تحركات جوية مش مظبوطة ..
من متابعتي لـموقع " فلايت رادار " اللي بيسمح ليك انك تتابع حركة الطائرات .. واي حد ممكن يتابعها عادي على فكرة ..
المهم اني اخدت بالي من حاجة مقلقة جدًا ..
في مسار ثابت بقاله يومين تقريبًا وبدأت الطائرات تزيد فيه جدًا .. المسار دا جاي من القواعد الأمريكية في ألمانيا وبريطانيا وبيكون في اتجاه القواعد الامريكية في الشرق الاوسط في الأردن وقبرص والخليج.
ونوع الطائرات اللي كترت دي هو اللي قلقني اكتر ..
اللي يدقق هيلاقي وجود مكثّـف لطائرات " C-17 Globemaster III "
ودي طائرات عملاقة بتستخدم في نقل الجنود والمعدات الثقيلة وانظمة الدفاع الجوي بل وكمان بتنقل مروحيات مفككة وبيتعمل من خلالها الانزال الجوي لفرق المظلات !
اللي يخليك تشك اكتر يا صديقي هو ان تم رصد ظهور طائرات التزويد بالوقود ( "KC-135" و "KC-46" ) بكثافة فوق البحر المتوسط وشرق تركيا.
ووجود الطائرات دي معناه ان مقاتلات (F-15 أو F-35) موجودين في الجو .. او بيستعدوا للقيام بعملية نوعية على الاقل !
كل اللي فات دا ينذر بحركة مش طبيعية ممكن يترتب عليها عملية نوعية قوية ..
ربنا يستر ويعدي يوم الجمعة والسبت على خير بإذن الله علشان انا شاكك في شيء ان شاء الله لا يتحقق ..
وربنا يحفظ الجمهورية الاسلامية الايرانية والعراق ولبنان الصامـد واليمـ.ـن !
عينكم دائمًا على الحقيقة .. #ThePeopleTrader