سقاه الحيا وأمطر على وجنته همال
و أنا قبل تمطر لي مع وجنته قصه
ثني " الرمش " بـ الضحكه و ظلل علي ظلال
توسدت في نص وتلحفت في نصه
لو يمر بالي لحظه ألقاه خط و شال
ولو يمر عيني يزعل الجفن من فصه
بعد روحي اللي يوم مال الزمن ما مال
أخذ حصته مني ولا عاد لي حصه
فداه الضلوع العوج بالحل والترحال
إذا جيت أعمم بالحكي لازم أخصه
تعمدت أوصي قلبي عليه وصاه قال
أبد لا توصي وإنت لو تلمحه وصه
تراني رفعته فوق راسي غلا و إجلال
ولا أحد سوى اللي ركب الراس بيقصه
عساني بجنبه لو تقلب بي الأحوال
ولا تخنقه عبره ولا تلحقه غصه
لو إنه سرق قلبي على غفله من البال
هنيال قلبي فيه مادام ذا لصه
XRP
1.3541
+0.63%
BNB
604.53
+0.25%