معاي مْن الحزن شيٍ .. يروّع قلبي الخوّاف
واذا ماعشته الليلة «بعيشه بعده وبكره »
ثلاث سنين مرتني مابين الظلم والاجحاف
اعيش بـ معظم ايامي على نار وعلى جمره
انا بي روعةٍ ما تفيد فيها الطبّ ..والاسعاف
ولي قلبٍ على كـثـر المتاعب ما فقد صبره
وبي شيٍ صعب يُوصف ولو ماينحكى ينشاف
تلاحظه العيون اللي تعرْف الضيق و الكسره
وانا مابي من الدنيا ولو تقسى عدل وانصاف
شبعت من الدروس اللي تعلم قلبي الحسره
رضيت بما كتبه الله ،ولو إنّ السنين اعجاف
مصير العسر لو طوّل ! بلحظة يتعبه يُسره
يارب ادعيك ودموعي من الخشيه على الأطراف
«تعوضني عن اللي ضرّني بـ ايّـامي العسره »
عسى لي أثر طيّبٍ فـالقلـوب
و موقّف و فعلٍ يُسرّ الخاطر
و نفسٍ تحقق أمانيها و تطوب
العمـر بخيــرٍ و بـرضا قـادر
ما ودي أخوض في توضيح بعض الأمور
الإحتمالات واجد — واللقاء مُحتمَل
جعل العوض يوم بان من الليالي قْصور
صدفة تجينا على غفلة تلم الشمل
أحرمتني من مقابل وجهك أربع شهور
متى تشوفك عيوني والفرح يكتمل
ترى الأمل فـ الحبايب مرتبط فـ الشعور
مادام باقي شعور.. أكيد باقي أمل
#AsiaStocksPlunge #OilRisesAbove$116 #USNoKingsProtests #BTCETFFeeRace #BitcoinPrices