عسى لي أثر طيّبٍ فـالقلـوب
و موقّف و فعلٍ يُسرّ الخاطر
و نفسٍ تحقق أمانيها و تطوب
العمـر بخيــرٍ و بـرضا قـادر
ما ودي أخوض في توضيح بعض الأمور
الإحتمالات واجد — واللقاء مُحتمَل
جعل العوض يوم بان من الليالي قْصور
صدفة تجينا على غفلة تلم الشمل
أحرمتني من مقابل وجهك أربع شهور
متى تشوفك عيوني والفرح يكتمل
ترى الأمل فـ الحبايب مرتبط فـ الشعور
مادام باقي شعور.. أكيد باقي أمل
ماتركته في حدود الممكنه والمستحيله
كنت اداري خاطره لو خاطره مدري علامه
وكنت اوقّف له على ساق وقدم في كل ليله
لين اعدّلها عقب .. ماهيب ميّله واستقامه
إن ثقل همه على مَتْنه فـ انا اول من يشيله
وان تمادى بالسهر ليله فـ انا آخر من ينامه
سقاه الحيا وأمطر على وجنته همال
و أنا قبل تمطر لي مع وجنته قصه
ثني " الرمش " بـ الضحكه و ظلل علي ظلال
توسدت في نص وتلحفت في نصه
لو يمر بالي لحظه ألقاه خط و شال
ولو يمر عيني يزعل الجفن من فصه
بعد روحي اللي يوم مال الزمن ما مال
أخذ حصته مني ولا عاد لي حصه
فداه الضلوع العوج بالحل والترحال
إذا جيت أعمم بالحكي لازم أخصه
تعمدت أوصي قلبي عليه وصاه قال
أبد لا توصي وإنت لو تلمحه وصه
تراني رفعته فوق راسي غلا و إجلال
ولا أحد سوى اللي ركب الراس بيقصه
عساني بجنبه لو تقلب بي الأحوال
ولا تخنقه عبره ولا تلحقه غصه
لو إنه سرق قلبي على غفله من البال
هنيال قلبي فيه مادام ذا لصه
$XRP $SlGN