تحديث البيتكوين على فريم الأربع ساعات للأسبوع القادم 📊
بالتحليل السابق ذكرنا إنو البيتكوين كان ضمن المنطقة الوسطية بين 79500 ومنطقة المقاومة 82500، ووقتها وضحنا إنو ما مننصح لا بالشراء ولا بالبيع ضمن هيدي المنطقة بانتظار تأكيد الاتجاه.
ذكرنا إنو السيناريو المتوقع كان يا إمّا:
🔹 هبوط السعر باتجاه مناطق الدعم والطلب للبحث عن فرص شرائية
أو
🔹 اختراق منطقة 82500 والقمم السابقة للأعلى ثم انتظار إعادة الاختبار للبحث عن فرص شرائية مع الاتجاه الصاعد.
لكن اللي حصل كان السيناريو الأول ✅
السعر ارتد هبوطاً للأسفل باتجاه المناطق الشرائية، وبعدها شفنا ارتداد صاعد قوي، وحالياً السعر عم يعيد اختبار منطقة الدعم والمناطق الشرائية مجدداً.
كمان السعر عم يعيد اختبار خط الترند الصاعد المرسوم باللون البرتقالي من التحليل السابق، والمرتكز على:
📍 القاع الأول
📍 القاع الثاني
📍 وحالياً عم يتشكل القاع الثالث.
لذلك المنطقة الحالية تعتبر منطقة شرائية مهمة جداً لأنها تمثل تقاطع:
✔️ خط الترند الصاعد
مع
✔️ منطقة الطلب أو الدعم القوية.
