حابب أشارككم شوية نقاط مهمة جدًا لأي حد بيتداول في سوق الكريبتو:
1- سوق الكريبتو من أسرع الأسواق تذبذبًا، ممكن في ساعة تشوف أرباح كبيرة وممكن في ساعة تلاقي خسائر قوية، لذلك لازم تكون مستعد نفسيًا لكل السيناريوهات.
2- متتداولش إلا برأس مال تقدر تتحمل خسارته، ومتبنيش أحلامك أو التزاماتك على السوق
3- التداول رزق، في أيام هتلاقي فرص ممتازة وفي أيام مفيش فرص واضحة. الصبر من أهم صفات المتداول الناجح
4- السوق محتاج شخص عقلاني، ميبالغش في الفرحة وقت الربح ولا ينهار وقت الخسارة، ويكون قادر يتحكم في مشاعره طول الوقت.
5- لازم تخصص وقت للتداول وتكون مركز أثناء دخول الصفقات، لأن أحيانًا ثوانٍ قليلة بتفرق في القرار.
6- أنا بجتهد في التحليل على قد ما أقدر، لكن كل شخص مسؤول مسؤولية كاملة عن قراراته المالية، وأنا مجرد أشارك رؤيتي وتحليلاتي.
7- إدارة رأس المال أهم من أي تحليل. مهما كانت قوة الصفقة، متخاطرش بنسبة كبيرة من رأس مالك.
8- لو معاك 100 دولار، متفكرش تدخل بكل المبلغ. الأفضل استخدام جزء صغير من رأس المال والمحافظة عليه على المدى الطويل.
9- اليوم اللي التحليل أو الصفقات تضرب معاك مرتين متتاليتين، اهدا وخد راحة وكمل تداول في يوم جديد بعقلية هادئة.
10- إدارة رأس المال الصحيحة أهم من مهارة التحليل نفسها
بالتوفيق للجميع