بصراحة كل ما أراجع وضع PIPPIN ألاقي إن الأسعار الحالية مغرية جدًا مقارنة بالقمة اللي قربت من 0.9$. حجم التداول بدأ يرجع، والاهتمام بالعملة لسه موجود، وفيه علامات واضحة إن في سيولة بتدخل من جديد.
اللي ناس كتير مش واخدة بالها منه إن مش كل المحافظ الكبيرة دخلت من تحت. فيه محافظ وحيتان دخلت على أسعار عالية جدًا أثناء الصعود، وبعضهم اتعلق في مناطق 0.5$ و0.6$ وأعلى. وطالما الحيازات دي لسه موجودة، فمن الطبيعي إن يبقى فيه رهان على دورة صعود جديدة في المستقبل.
هل ده معناه إن العملة هتوصل 1$ بكرة أكيد لا. لكن من وجهة نظري، فكرة إن العملة ترجع تبني اتجاه صاعد وتستهدف مستويات أعلى بكتير من الأسعار الحالية مش حاجة مستحيلة خالص، خصوصًا لو رجعت السيولة والزخم لقطاع الـ AI والميم كوينز.
دي مجرد رؤية شخصية وليست نصيحة استثمارية.