أفضل 5 عملات رقمية ممكن تتابعها هالفترة (بعيدًا عن البيتكوين)
بهالمرحلة، ومع هدوء الحركة نسبيًا، في فرص حلوة للمتابعة واتخاذ خطوات مدروسة، خصوصي مع مشاريع عندها استخدام فعلي وأساس متين، بعيد عن الضجيج والمضاربات السريعة.
Ethereum (ETH)
الإيثيريوم لسا هو القلب النابض لعالم الـ DeFi والـ NFTs. معظم المشاريع الكبيرة مبنية عليه، وأي توسّع حقيقي باستخدام البلوكشين غالبًا بيمر من خلاله. قوته الأساسية مو بالسرعة، بل بالمنظومة الضخمة يلي داعمته.
Solana (SOL)
سولانا ركّزت على السرعة وتخفيض التكاليف، وهاد خلاها خيار مفضّل لتطبيقات الألعاب والمشاريع يلي بدها أداء عالي. رغم التحديات يلي مرّت فيها، الشبكة اليوم أكثر استقرار، والنشاط عليها عم يزيد بشكل ملحوظ.
قيمة BNB جاية من الاستخدام اليومي ضمن منظومة متكاملة. من تخفيض رسوم التداول، للـ Launchpads، وللمحفظة والخدمات المرتبطة فيها. أي توسّع بالنظام بينعكس مباشرة على الطلب عليه.
Avalanche (AVAX)
أفالانش عم تركّز على المرونة وسرعة تنفيذ المعاملات، وهاد خلاها جذابة للمشاريع يلي بدها حلول مخصصة. بهيك نوع من الشبكات، في إمكانيات نمو واضحة بالفترة الجاية.
Polygon (MATIC)
بوليغون لعبت دور مهم كحل توسعة للإيثيريوم، وساهمت بتقريب التطبيقات من المستخدمين. اعتمادها من شركات ومشاريع كبيرة عطاها وزن إضافي، ولسّا عندها مجال تطور .
