Binance-a kriptovalyuta depozitini necə qoymaq olar?

Binance veb-saytında kriptovalyuta depozitini necə qoymaq olar?

1. Binance hesabınıza daxil olun və [Depozit qoy] üzərinə toxunun.

2. Yan paneldə [Kriptovalyuta depoziti qoy] düyməsinə klikləyin.

3. Kriptovalyuta depoziti qoy səhifəsinə yönləndiriləcəksiniz. Depozit qoymaq istədiyiniz kriptovalyutanı, məsələn, BNB seçin.

4. Depozit şəbəkəsini seçin. Seçilən şəbəkənin vəsait nağdlaşdırdığınız platformanın şəbəkəsi ilə eyni olduğuna əmin olun. Səhv şəbəkəni seçsəniz, vəsaitiniz itə və geri qaytarılmaya bilər.

Şəbəkə seçiminin bəzi nümunələri:

• BNB BNB Beacon Chain (BEP2) şəbəkəsinə aiddir;
• BSC BNB Smart Chain (BEP20) şəbəkəsinə aiddir;
• ETH Ethereum şəbəkəsinə (ERC20) aiddir;
• TRX TRON şəbəkəsinə (TRC20) aiddir;
• BTC Bitcoin şəbəkəsinə aiddir;
• SegWitBTC Native Segwit-ə (bech32) aiddir və ünvan "bc1" ilə başlayır. Bitcoin-nizi SegWit (bech32) ünvanlarından nağdlaşdıra və ya ünvanlarına göndərə bilərsiniz. Ətraflı məlumat üçün Segregated Witness (SegWit) nədir? bölməsinə baxın.
• BEP2 və ya EOS kimi bəzi şəbəkələrdə transfer edərkən mütləq Memo bölməsini doldurmalısınız, əks halda ünvanınız aşkar edilə bilməz.

Nəzərə alın ki:

• Əlçatan şəbəkələr vəsaiti nağdlaşdırdığınız xarici pul kisəsinin/birjanın təqdim etdiyi variantlardan asılıdır. Məsələn, xarici platforma yalnız ERC20 şəbəkəsini dəstəkləyirsə, ERC20 depozit şəbəkəsini seçməlisiniz.
• Ən ucuz komissiya variantını SEÇMƏYİN. Kriptovalyutanı nağdlaşdırdığınız platforma ilə uyğun olanı seçin. Məsələn, yalnız ERC20 tokenlərini başqa ERC20 ünvanına və yalnız BSC tokenlərini başqa BSC ünvanına göndərə bilərsiniz. Uyğun olmayan/fərqli depozit şəbəkələri seçsəniz, vəsaitlərinizi itirəcəksiniz.

5. Seçdiyiniz şəbəkə üçün QR kodu və depozit ünvanı görünəcək. Depozit ünvanını kopiyalamaq üçün kopiyala ikonasına klikləyin, sonra onu kriptovalyuta nağdlaşdırmaq istədiyiniz platformanın ünvan sahəsinə əlavə edin. QR kodu şəkil kimi yadda saxlamaq və birbaşa nağdlaşdırma platformasına idxal etmək üçün üzərinə sağ düymə ilə klikləyə bilərsiniz. 

6. Həmçinin [Seçilmiş pul kisəsi] düyməsinin yanındakı [Spot pul kisəsi] düyməsinə basaraq hansı pul kisəsinə vəsait depozit qoyacağınızı seçə bilərsiniz. Spot pul kisəsi və ya Rezerv pul kisəsi seçimini edin və [Təsdiq et] düyməsinə klikləyin.

7. Depozit sorğusunu təsdiqlədikdən sonra transferiniz icra olunacaq. Təsdiqləmə müddəti blokçeyn və onun mövcud şəbəkə trafikinə görə dəyişir.

Təsdiqləndikdən sonra vəsaitlər qısa müddət sonra Binance hesabınıza köçürüləcək. Depozitinizin statusunu [Tranzaksiya tarixçəsi] bölməsindən yoxlaya bilərsiniz.

1. Binance depozit ünvanımı necə tapmaq olar?

Kriptovalyutalar depozit ünvanı vasitəsilə depozit qoyulur. Binance pul kisəsinin depozit ünvanına baxmaq üçün [Depozit] bölməsinə daxil olun və [Kriptovalyuta depozit qoy] düyməsinə klikləyin. Depozit qoymaq istədiyiniz koini və istifadə etdiyiniz şəbəkəni seçdikdən sonra depozit ünvanını görəcəksiniz. Ünvanı kopiyalayın və Binance pul kisənizə transfer etmək üçün nağdlaşdırdığınız platformaya və ya pul kisəsinə əlavə edin. Bəzi hallarda MEMO daxil etmək də lazım olacaq. 

2. Tranzaksiya tarixçəmə necə baxa bilərəm?

Depozitinizin statusunu [Pul kisəsi] - [Tranzaksiya tarixçəsi] bölməsindən yoxlaya bilərsiniz.

Tətbiqdən istifadə edirsinizsə, [Pul kisələri] – [Spot] bölmələrinə keçin və sağdakı tranzaksiya tarixçəsi ikonuna toxunun.

Heç bir kriptovalyutanız yoxdursa, Kriptovalyuta almaqla bağlı Tez-tez verilən suallar məqalələrinə baxa bilərsiniz.

3. Teq/memo nədir və kriptovalyuta depozit qoyarkən niyə bunu daxil etməliyəm? 

Teq və ya memo hər bir hesab üçün təyin olunmuş bir unikal identifikatordur, depozit və uyğun hesabın krediti üçün təyin edilir. Müəyyən kriptovalyutaları, məsələn, BNB, XEM, XLM, XRP, KAVA, ATOM, BAND, EOS və s. depozit edərkən, uğurla hesabınıza köçürülməsi üçün aidiyyəti teqi və ya memonu daxil etməlisiniz.

4. Vəsaitlərimin çatması nə qədər çəkir? Tranzaksiya ödənişi nə qədərdir? 

Binance-də sorğunuzu təsdiqlədikdən sonra tranzaksiyanın blokçeyndə təsdiqlənməsi vaxt aparır. Təsdiqləmə müddəti blokçeyn və onun mövcud şəbəkə trafikinə görə dəyişir.

Məsələn, USDT depozit qoyursunuzsa, Binance ERC20, BEP2 və TRC20 şəbəkələrini dəstəkləyir. Nağdlaşdırdığınız platformadan istədiyiniz şəbəkəni seçə, nağdlaşdırılacaq məbləği daxil edə bilərsiniz və müvafiq tranzaksiya ödənişlərini görəcəksiniz.

Şəbəkə tranzaksiyanı təsdiq etdikdən qısa müddət sonra vəsaitlər Binance hesabınıza köçürüləcək.

Nəzərə alın ki, yanlış depozit ünvanı daxiletdiyiniz və ya dəstəklənməyən şəbəkə seçdiyiniz zaman vəsaitləriniz itəcək. Həmişə tranzaksiyanı təsdiq etməzdən əvvəl diqqətlə yoxlayın.