🔴 تحذير للمرة التانية قبل ما الأقصى يروح والأسرى يتعدموا... ما يقرب الـ 10 آلاف أسير فلسطيني على وشك أن يتم إعدامهم جماعيًا، والمسجد الأقصى مغلق بقاله أكتر من شهر، وفي كلام عن تحضيرات لطقوس عبرية هيتم إقامتها فيه أثناء عيد الفصح اليهودي اللي هيبدأ بكره...
البوست ده مهم جدًا، وأتمنى تقراه للآخر وتعمله شير وتشاركه مع كل اللي تعرفهم... 👇
🟢1️⃣ إحنا أمام لحظة محورية من التاريخ العربي والإسلامي، بيتم فيها تهديد حياة آلاف البشر بدم بارد وأمام عيون أمة الـ 2 مليار... امبارح الاحتلال مرر رسميًا قانون عنصري لإعدام الأسرى "الفلسطينيين" حصرًا، ودونًا عن أي جنسية تانية بداخل السجون الإسرائيلية... وده للاسف مش مجرد قرار سياسي، ده إعلان صريح عن توحش وصل لقمته، في ظل صمت وتخاذل دولي غير مسبوق، سمح لدولة احتلال مجرمة بإنها تشرع القتل العنصري على أساس العرق والدين والهوية في القرن الواحد وعشرين بدون أي عواقب...
التخاذل والهوان شفناه في تبجح الوزير المتطرف "بن غفير" وهو بيحتفل بفتح زجاجة كحول امبارح في الكنيست انتصارًا للقانون ده؛ واحتفاله معناه كارثة محققة... احنا بنتكلم عن حوالي 9500 أسير في سجون الاحتلال أصبحوا فجأة مهددين بالإعدام الجماعي من خلال "الشنق"، منهم 133 سيدة و350 طفل، والباقي شباب وكبار سن!
الأمم المتحدة قالت النهارده بشكل صريح إن تطبيق القانون ده يعتبر جريمة حرب، بس المشكلة إن قرارات الأمم المتحدة والقانون الدولي مش بيفرقوا معاهم في حاجة من الأساس... وكل ده بيحصل في ظل تخاذل عالمي وصمت عربي غريب، لم يتجاوز بيانات الشجب والإدانة فقط...
🟣2️⃣ وللأسف الشديد ده مش كل حاجة... في الوقت اللي العيون فيه على الأسرى، في جريمة تانية بتحصل في المسجد الأقصى، وهي الأخطر في تاريخنا المعاصر...
من كام يوم، ضابط شرطة من الاحتلال نزل صورة مهينة (سايبهالك تحت) ظهر فيها وهو قاعد على كرسي جوه المسجد الأقصى المُغلق اللي مفيهوش ولا شخص بقاله أكتر من شهر، وبكل ثقة كتب على الصورة دي إنهم في "المكان اللي اتكلم عنه التاريخ"...
طبعًا الكلام ده هو رسالة واضحة بإن معتقدات الهيكل المزعوم بالنسبالهم هي مش مجرد كلام في الكتب... دي واقع بينفذوه على الأرض... المسجد لأول مرة في التاريخ الإسلامي من 839 سنة، مقفول طول شهر رمضان والعيد كمان بدون سبب واضح... ودلوقتي مع بداية "عيد الفصح اليهودي" عندهم واللي هيبدأ مع غروب شمس الأربعاء 1 إبريل اللي هو بكره، في كلام كتير منتشر في جروبات المستوطنين عن سعيهم لإجراء طقوس عبرية في المسجد...
🔸️ الموضوع مش بروباجندا خالص... المسجد فعلًا في خطر حقيقي ومباشر، والمؤلم للأسف هو حالة الوهن اللي أصابت الأمة، واللي بقت بتكتفي بالشجب والندب وبتبكي على حالها من غير ما تحرك ساكن...
اللي هان عليه دم 100 ألف شهيد وأضعافهم من المفقودين تحت الركام والمجوعين اللي مش لاقيين لقمة، سهل جدًا عليه يتقبل خبر إعدام آلاف الأسرى أو هدم الأقصى أو حتى قصف الكعبة... الأخبار دي بالشكل ده ممكن تتحول لمجرد "تريند" على السوشيال ميديا لمدة شهر وبعدين الناس تنسى وتسكت... بس لازم الكل يفهم إن السكوت المرة دي معناه جريمة حرب متكاملة الأركان ضد الهوية الفلسطينية، وخطر حقيقي على المقدسات....
🔴🔴 في النهاية يا ريت تساهم في إيصال الكلام ده لكل اللي تعرفهم، ومتبطلوش كلام عن الأسرى وعن المسجد، ويا ريت كل اللي يقدر يساهم في نشر البوست ده في جروبات غربية وأوروبية كمان يعمل كده عشان يوصل للرأي العام العالمي