🔴 اللي عملته إيران امبارح بيغير العالم، وده خط أحمر.. عشان كده العجل البرتقالي بيقول: "لم يتبقَّ سوى 48 ساعة قبل أن ينهمر عليهم الجحيم كله!"
من شوية الرئيس الأمريكي ترامب كتب التويتة دي على تروث سوشيال، بيحذر فيها من قرب انتهاء المهلة اللي كان قال عليها سابقًا، قبل ما يبدأ رسميًا قصف منشآت الطاقة والبنية التحتية الإيرانية، وإعادتها إلى "العصر الحجري" على حد تعبيره...
طبعًا الكلام لو قرأته في البداية ممكن يبان قوي... وممكن تتخدع من إن الكلام ده طالع من رجل واثق من نفسه ومن قواته ومن خطواته اللي جاية... بس لو نزلنا تحت السطح شوية بقى، هنلاقي ان في صورة تانية خالص... والصورة دي الإعلام التقليدي اللي بيعبد أمريكا واسرائيل، مش هيقولك عليها...
⚫️ شوف... 👇
حسب تقارير الصحافة الغربية، فـ ترامب أساسًا مكانش محضر كويس للحرب دي، واتخدع بتقارير الموساد وإسرائيل قبل الحرب، وحتى كلام مستشاريه نفسهم ومنهم وزير الحرب، واللي كلهم كانوا مفهمينه إن الحرب هتخلص في خلال ساعات بضربة جراحية على قيادات إيران، وتدمير بطاريات الصواريخ وخلاص كده... زي ما حصل في فنزويلا...
🔹️ لكن اللي حصل فعليًا حاجة تانية خالص...
كل ما ترامب يطلع قدام الكاميرات يقول احنا انتصرنا (قالها اكتر من 20 مرة لحد دلوقتي)، تقوم إيران بعدها علطول مصبحة عليه بضربات غير مسبوقة، تدمرله قواعده العسكرية وراداراته وطياراته، وتضرب في قلب منظومة الدفاع الجوي الإسرائيلية وتنزل في وسط الأراضي المحتلة...
🟣 خليني على سبيل المثال أحكيلك اللي حصل خلال آخر 24 ساعة بس، ومباشرةً بعد ساعات قليلة من تصريحاته بإنه قضى على إيران نهائيًا ودمر جيشها وصواريخها وقواتها البحرية... 👇
1️⃣ عدد 2 طيارات حربية متقدمة من نوع F-15E الأمريكية تم اسقاطهم للمرة الأولى على الإطلاق في الحرب... طيارة تانية من نوع A-10 تتضرب في نفس الوقت وتقع قرب مضيق هرمز... طيارين أمريكان مفقودين بداخل الأراضي الإيرانية، نجحوا يستعيدوا واحد منهم والتاني لسه مش لاقيينه... 2 هليكوبتر إنقاذ اتضربوا واتدمروا أثناء محاولة استرداد الطيارين!
مذبحة غير مسبوقة للقوات الجوية منذ بداية الحرب! لدرجة إن المحللين بيقولوا ان إيران كانت مستنية لحد لحظة معينة قبل ما تبدأ بإظهار قدرات الدفاع الجوي المتقدمة الخاصة بيها (واللي في تقارير بتقول إنها جاية من روسيا)، عشان تسبب أكبر صدمة للشعب الأمريكي ولقيادات الجيش نفسهم!
🟢 وده اللي ظهر مع موجة من المعارضة بداخل قيادات الجيش الأمريكي نفسه، واللي معظمهم شايفين إن الحرب دي مش ماشية كويس، وإن محاولة التدخل البري هتجيب عليهم كارثة... وبدل ما حد يسمعهم أو يعيدوا النظر، جه وزير الحرب (اللي أنا بسميه وزير جرائم الحرب) بيت هيجسيث وطير منهم 26 قائد تقريبًا، من بينهم رئيس أركان القوات البرية "راندي جورج"، اللي كان رافض الحرب البرية بشكل صريح...
🔸️ وعارف أثناء ما القلبان ده كله بيحصل داخل الإدارة الأمريكية، إيران كانت بتعمل أيه الناحية التانية؟!
2️⃣ ملحمة عسكرية مرعبة، ومحدش كان متصور انهم قادرين عليها...
في خلال آخر 24 ساعة بس، إيران وحلفاءها من الحزب في لبنان والفصائل في العراق والحوثيين في اليمن، نجحت في قصف قاعدة نيفاتيم الجوية الإسرائيلية، وفي تقارير بتقول إن في حوالي 40 طيارة إسرائيلية اتضرروا في القصف ده وبعضهم خرج من الخدمة، وكمان نجحت في تدمير أكبر مصنع درونز إسرائيلي في بتاح تكفا، وضربت قاعدة سرية إسرائيلية في الجنوب كانت إسرائيل مخبية طيارات من نوع F-35، وطبعًا كل ده بمساعدة المعلومات الاستخباراتية الروسية وتكنولوجيا الأقمار الصناعية الصينية ونظام تحديد المواقع الصيني "بايدو"...
3️⃣ حلفاء إيران ضربوا كمان المواقع العسكرية للجيش الأمريكي في الكويت والبحرين، والحرس الثوري أعلن في الموجة 95 من عملية الوعد الصادق 4، نجاحهم في استهداف بطاريات "هايمارس HIMARS" الصاروخية الأمريكية في الكويت، وتدمير منظومة "باتريوت" في البحرين وموقع تجمع مطلقي صواريخ ماركس الأمريكية... وكمان استهدفوا سفينة تجارية إسرائيلية بصواريخ بحرية واشعلوا فيها النار في مياه بحر العرب!
🟡 وفي وسط اللي بيحصل ده كله، ترامب حاول يبعت وسطاء يتفاوضوا...
الناس اللي بيتوسطوا ما بين أمريكا وإيران، قالهم معلش احنا عايزين هدنة لمدة 48 ساعة بس وده بحسب تقارير رسمية من رويترز ويديعوت أحرونوت... شوف يا أخي انقلاب الأحوال؟! سبحان المعز المذل!
والمذهل هو إن الرد من المرشد الإيراني الجديد مجتبى خامنئي جه بكلمة واحدة... لأ... مفيش أي تفاوض أو هدنة إلا بشروط مش هتتغير ولا هتتزحزح... اعتذار أمريكي رسمي، وقف فوري للحرب، تعويضات، وتعهدات دولية بعدم تكرار الضربات عليها!
🟠 وفي وسط ما أمريكا بترتكب جرائم حرب وبتتفاخر بيها، زي انها بتقصف مواقع أثرية في إيران، وبتقصف أكبر جسر في الشرق الأوسط في كرج الإيرانية وتدمره أمام كاميرات العالم كله، وزير خارجية إيران يطلع يقول بكل هدوء: "الجسور يمكن إعادة بناءها، لكن فرصة تأديب أمريكا لن تتكرر."
ده مش كلام طرف خايف... ده كلام طرف حاسس بالكرامة والعزة، وعارف قوته كويس وعارف إنه في موقع القوة وليس الضعف...
ده يا صديقي كلام طرف أعزه الله سبحانه وتعالى من عنده، واستبدل ضعف المسلمين من خلاله، ووضع فيه مشيئته وقدرته عشان يكسر أسطورة الأمريكان والصهاينة في عيون العالم كله، وخصوصًا المسلمين من دول السُنة اللي بقالهم عشرات السنين خاضعين للأمريكي والصهيوني...
🔹️ لسه في حاجات تانية كتير هحكيلك عليها، وهتفهمك أكتر ازاي النظام العالمي القائم قبل الحرب دي انكسر خلاص واتغير للأبد، سواء في مضيق هرمز، أو في حلفاء أمريكا في الناتو اللي انقلبوا عليه خلاص... بس خليها في البوست الجاي...
🔴🔴 ولو وصلت لهنا متنساش تعمل شير، عشان من خلالك انت الكلام ده هيوصل للناس ويعرفوا الحقيقية... وشكرًا.
