اقمت الحجة اخي @Ghazwan Spot

الآية تقول: “ولا يغرنكم بالله الغرور”
ومعناها العميق إنك ما تخلّي الشيطان يخدعك باسم الله.
في ناس بتغلط وتتمادى، وتقول:
“ما مشكلة، ربنا غفور رحيم، رح يسامحني بعدين.”
وهون بيكون الغرور الحقيقي بالله — لما الإنسان يعتمد على رحمة ربنا بدون عمل، بدون توبة، وبدون خوف من الحساب…
بحجة “نية التأجيل” المتكاسلة والمتساهلة.
الشيطان دايمًا بيهمس:
“الله رحيم، ما رح يعاقبك.”
لكن بينسى يقولك إن الله شديد العقاب، وإن رحمته مخصصة للي تاب وسعى وصدق.
المؤمن ما بيعيش على طرف واحد، لا كله خوف ولا كله أمل.
المؤمن الحقيقي يعيش في توازن:
•يخاف الله حتى ما يستهين بالذنب،
•ويرجو رحمته حتى ما ييأس مهما أخطأ.
الآية رسالة قوية:
لا تخلّي أمانيك الكاذبة تُخدّرك، فتعيش مطمئنًا على باطل.
ارجع لله قبل ما تغرّك الرحمة وتنسى العدل.
والكثير هنا في السوق ينام على صفقات عقابها شديد…
لو بدي أكتب من الأدلة والقرآن ليقشعرّ العظم.
ينام وهو فاتح صفقة محرمة مليئة بالربا،
ولا بيفكر شو ممكن يصير لو نام وما صحى!
تخيل تموت والصفقة شغالة…
حرام بمال حرام، ورجاء كاذب بالرحمة.
هل تتخيل أشد من إنسان يموت وهو على سُكر؟
ياخي… بدي منك توقف لحظة.
بدي منك تفكر، مو لأني بهديك —
لأنك ما تهدي من أحببت، ولكن الله يهدي من يشاء.
بس الذكر ممكن ينفع، ولربما ينفع الذكر.
كلنا بننغر، وأنا أولكم.
غلطت، وحطّيت حدود، ورجعت تجاوزتها.
بس ما بسمح لضغوط السوق ولا الحياة تجرّني للمقامرة…
ممكن بلحظة غفلة أفوت وأمسك الورق،
وأول ورقة أرميها وتبدأ لعبة القمار،
بس بثواني لازم يكون عقلي رجع…
وأنهي اللعبة قبل ما تكون هي نهايتي الحقيقية.
وتكون تلك لحظة الغفلة درسًا وحاجزًا لغفلةٍ أخرى،
توّعيني في لحظتها، وتفكرني إن الوعي الحقيقي مش إنك ما تغلط…
بل إنك تصحى بسرعة لما تغلط.
والسر هون، إنك وقت الغفلة ما تعاقب نفسك،
وما تقول:
“بعد كل الصبر اللي مريت فيه راح كل شيء بلحظة!”
لا يا صاحبي، تعبك ما راح.
اللحظة هي ضربة وعي… مش نهاية تعبك.
بس بشرط تتعامل مع نفسك بتفاهم، بلُطف، مو بقسوة.
خذ مثال بسيط:
شخص قاطع التدخين سنة كاملة،
بلحظة غفلة ولّع سيجارة وسحب نفس،
بس بعدها استوعب وطفّاها فورًا وقال بصدق:
“يا الله شو عم أعمل؟ سامحني.”
هل تعب السنة راح؟
هل وعده لنفسه انهار؟
أبدًا.
بالعكس… هالوعي اللحظي هو اللي بيصنع منه شخص أقوى،
لأنه ما جلد نفسه،
ركّز على النهوض بدل اللوم.
أبونا آدم عليه السلام أخطأ،
وما في إنسان إلا ويخطئ…
لكن كل خطأ فيه باب وعي يفتحلك أفق جديد ما كنت شايفه.
الغلط مش إنك تقع،
الغلط إنك تستمر وإنت عارف.
ومو غلط إنك تطيح،
الغلط إنك تنام وإنت على الأرض.
كل لحظة غفلة ممكن تطيحك،
بس اللحظة اللي بعدها هي اللي بتقرر:
بتنهض وتكمّل،
ولا تترك الغفلة تكتب نهايتك.