BNB арқылы алымдарды қалай төлеп, 25%-ға дейін жеңілдік алуға болады?

[BNB шегерімін пайдалану] функциясын қосып-өшірудің бірнеше жолы бар.

1. Функцияны Спот саудасы беттерінен қосуға немесе өшіруге болады. [Алым деңгейі] түймесін басып, [BNB/USDT] ауыстырғышын қосыңыз немесе өшіріңіз.

2. Сондай-ақ функцияны Алымдар мен транзакцияларға шолу бетіне өту арқылы қосуға немесе өшіруге болады. Спот сауда алымдарына 25%-ға дейін жеңілдік алу үшін [BNB жеңілдігі] бөліміндегі түймені басыңыз.

1. Binance қолданбасына кіріп, [Шот орталығы] бөліміне өтіңіз. Жоғарғы оң жақ бұрыштағы [Параметрлер] белгішесін түртіңіз.

2. [BNB жеңілдігі] бөлімін түртіңіз. Спот сауда алымдарына 25%-ға дейін жеңілдік алу үшін [Алымдарды төлеу үшін BNB пайдалану] тармағындағы түймені басыңыз.

3. Сондай-ақ [BNB жеңілдігін] [Сауда] – [Спот] бөліміне өтіп, [...] – [Алым] түймесін түрту арқылы да қоса аласыз.

*Маңызды ескерту: 25% жеңілдік қосымша хабарланғанға дейін жарамды. 

Толығырақ білу үшін BNB пайдаланған кезде 25% сауда алымы жеңілдігін ұзарту туралы Binance хабарландыруын қараңыз.

1. BNB саудасы үшін алымдарды қалай есептеймін?

[BNB шегерімін пайдалану] параметрін қосу арқылы жеңілдетілген сауда алымын пайдалана аласыз. Бұл параметр өшірілген болса, Binance толық 100% сауда алымын қолданады. Сауда, пайыздық мөлшерлеме және қаражат енгізу/шығару алымдары туралы толығырақ ақпарат алу үшін Алымдар мен транзакцияларға шолу бетін қараңыз.

Ескерту: Сауда алымдары, әдетте, сауда нәтижесінде берілетін криптовалютада алынады және кейіннен BNB криптовалютасына айырбасталады.

Мысалы, сіз қарапайым пайдаланушысыз және әрқайсысы 3 452,55 USDT бағада 10 ETH сатып алуға тапсырыс бердіңіз:

• Бастапқы сауда алымы = 10 ETH * 0,1% = 0,01 ETH
• BNB шегерімі = 10 ETH * 0,075% = 0,0075 ETH
• BNB криптовалютасына айырбасталды = 0,0075 ETH / 0,15 = 0,05 BNB (BNB/ETH нарықтағы бағасы 0,15 деп есептегенде)

Ал әрқайсысы 3452,55 USDT бағада 10 ETH сатуға тапсырыс берсеңіз:

• Бастапқы сауда алымы = (10 ETH * 3452,55 USDT) * 0,1%  = 34,5255 USDT
• BNB шегерімі = (10 ETH * 3452,55 USDT)  * 0,075% = 25,894125 USDT
• BNB криптовалютасына айырбасталды = 25,894125 USDT / 220 = 0,11770057 BNB (BNB/USDT нарықтағы бағасы 220 деп есептегенде).

Ескерту: сауда алымдарын төлеу үшін шотыңызда BNB балансы жеткілікті екеніне көз жеткізіңіз.

2. Жүйе бастапқы алымды BNB криптовалютасына қалай айырбастайды?

ETH алу үшін BNB саудалаған кезде, жүйе алымды ETH/BTC және BNB/BTC нарықтағы бағалары негізінде ETH пен BNB арасындағы айырбас коэффициенті бойынша есептейді.

ETH/BNB айырбас коэффициенті = ETH/BTC(нарықтағы баға) / (BNB/BTC(нарықтағы баға))

Ескерту: Binance нарықтағы бағасын саудаңыз орындалған кезде жаңартады. Алынған соңғы алымдарды тексеру үшін Сауда тарихы бетіне кіріңіз.

3. Мен BNB жеңілдігін қостым, бірақ транзакция бетінде болжалды алым BNB ретінде көрсетілмейді.

Жүйе тапсырыс үшін BNB жеңілдігі бар алымды есептеу кезінде нақты орындалған көлемді пайдаланады. Алайда тапсырыс берген сәтте нақты орындалған көлем белгісіз. Сондықтан ол тек алынатын токендегі болжалды алымды көрсетеді.

4. BNB емес жұптар үшін BNB алымы қалай есептеледі?

BNB емес жұптарға BNB алымын есептеу үшін жүйе BNB емес жұп токенінің құнын сол сәттегі спот бағамының орнына орташа бағамды пайдалану арқылы BNB криптовалютасына айырбастайды, бұл аздаған айырмашылық тудыруы мүмкін.

Бұл қалай жұмыс істейді:

1. Токенді таңдалған баға белгілеу токеніне айырбастаңыз.

2. Сауда уақыты ең қысқа BNB/баға белгілеу токені жұбын пайдаланып, баға белгілеу токенін қайтадан BNB криптовалютасына айырбастаңыз.

Мысалы, (токен)/BNB алу үшін (токен)/USDT бағамын алып, 1/(BNB/USDT) мәніне көбейтеміз.

5. Неліктен [BNB шегерімін пайдалану] функциясын қосқаннан кейін де бастапқы алым алынады?

• BNB балансыңыз жеткіліксіз болса, сізден Алымдар мен транзакцияларға шолу бетінде көрсетілген бастапқы алым алынады. Binance веб-сайтында тапсырыс берген кезде [Болж. алым]* арқылы жеңілдік қолданылған болжалды сауда алымы сомасын алдын ала көре аласыз. Бұл BNB криптовалютасына айырбасталып, балансыңыздан шегерілетін алымның болжалды мәнін береді.

• Белгілі бір активтің құны (мысалы, X токені) 0,00000001 BNB мәнінен төмен болса (яғни X токенінің бағасы/BNB бағасы < 0,00000001), онда X токенімен жасалған саудалар BNB транзакция алымы жеңілдігіне сәйкес келмейді. Алым X немесе BNB токенінде алынуы мүмкін.
• Сауда боттарын (Спот торы, DCA, Қайта теңестіру боты және т.б.) пайдалансаңыз, алым бастапқыда стандартты сауда алымы мөлшерлемесіне сәйкес Сауда боттары шотынан шегеріледі. Кейіннен алым қайтарымдары Спот шотыңызға есептеледі. BNB алымдарының тарихын көру үшін [Тапсырыстар] – [Сауда боттарының тапсырысы] – [Алымдарды қайтару тарихы] бөліміне өтіңіз.

*[Болж. алым] тек анықтама үшін көрсетілетінін ескеріңіз. Нақты транзакция алымы орындалған сауда нәтижесінде алынатын активтердің соңғы мөлшеріне тәуелді.

Оған қоса Маржа шотында пайызды төлеу үшін BNB пайдалана аласыз. Толығырақ ақпарат алу үшін Маржа шотында алымдарды төлеу үшін қалай BNB пайдалануға болады бөліміне кіріңіз.