**#بائنانس نے ایمرجنسی فنڈ کے لیے 1 ارب ڈالر کی بٹ کوائن کی خریداری مکمل کر لی**
بائنانس نے اپنے 1 ارب ڈالر کے سیکیور ایسیٹ فنڈ فار یوزرز (سافو) کو مکمل طور پر بٹ کوائن میں تبدیل کر دیا ہے۔ جمعرات کو آخری مرحلے میں 4,545 بٹ کوائن خریدے گئے، جس کے بعد سیفو ہولڈنگز 15,000 بٹ کوائن تک پہنچ گئیں، جن کی مجموعی مالیت تقریباً 1.005 ارب ڈالر بنتی ہے۔
یہ تبدیلی 30 دن کی اصل ٹائم لائن سے پہلے مکمل کی گئی۔ بائنانس نے پوری پوزیشن تقریباً 67,000 ڈالر فی بٹ کوائن کی اوسط لاگت پر حاصل کی۔
سافو پہلے مختلف ایسٹس ، بشمول اسٹیبل کوائنز، پر مشتمل تھا تاکہ ہیک یا دیگر غیر متوقع واقعات کی صورت میں صارفین کے نقصانات کا ازالہ کیا جا سکے۔ اب یہ فنڈ مکمل طور پر بٹ کوائن میں رکھا گیا ہے۔
بائنانس نے یقین دہانی کرائی ہے کہ اگر مارکیٹ میں شدید اتار چڑھاؤ کے باعث فنڈ کی مالیت 800 ملین ڈالر سے کم ہوتی ہے تو ریزروز دوبارہ پورے کیے جائیں گے۔
### حالیہ بڑی خریداری
جمعرات کی خریداری تقریباً 304 ملین ڈالر مالیت کی تھی، جو پیر کے روز 300 ملین ڈالر کی خرید کے تین دن بعد کی گئی۔ بائنانس کے مطابق یہ اقدام بٹ کوائن کو لانگ ٹرم انسٹیٹیوشنل ریرزو ایسٹ کے طور پر اپنی مضبوط وابستگی ظاہر کرتا ہے۔
2 فروری کو بائنانس نے آن چین عمل کا آغاز کرتے ہوئے تقریباً 1,315 بٹ کوائن (تقریباً 100 ملین ڈالر) ہاٹ والٹس سے سافو میں منتقل کیے تھے۔ یہ کسی کرپٹو ایکسچینج کی جانب سے بٹ کوائن میں بڑے ٹریژری طرز کی ری ایلوکیشن کی نمایاں مثالوں میں شمار کیا جا رہا ہے۔
### مارکیٹ کیفیت اور اسمارٹ منی پوزیشنز
یہ تمام عمل ایسے وقت میں ہوا جب مجموعی مارکیٹ کیفیت انتہائی منفی تھی۔ کرپٹو فئیر اینڈ گریڈ انڈیکس پانچ کی سطح تک گر گیا — جو ریکارڈ کی کم ترین ریڈنگ ہے — اور شدید خوف کو ظاہر کرتا ہے۔
بلاک چین تجزیاتی ادارے Nansen کے مطابق اسمارٹ منی ٹریڈرز نے بڑی کرپٹو کرنسیز میں مزید نیچے جانے کی توقع پر پوزیشن لے رکھی ہے۔ رپورٹ کے مطابق ان ٹریڈرز کے پاس بٹ کوائن میں مجموعی طور پر 105 ملین ڈالر کی نیٹ شارٹ پوزیشن موجود ہے، جبکہ زیادہ تر بڑی ڈیجیٹل کرنسیاں بھی نیٹ شارٹ رجحان میں ہیں، سوائے Avalanche کے۔
