صناديق البيتكوين المتداولة (ETFs) تسجل دخول سيولة لليوم الرابع على التوالي مع دخول 53.9 مليون دولار يوم أمس 12 مارس صندوق BlackRock (IBIT) لا يزال القائد بـ 46 مليون دولار مما يعكس عودة الثقة التدريجية للمؤسسات رغم الضجيج الجيوسياسي.
(ليش الـ 54 مليون مهمة رغم إنها قليلة؟)
الـ 54 مليون دولار قدام مليارات "بلاك روك" بتشبه "نقطة بالمحيط" بس أهميتها بتكمن بالتوقيت والاستمرارية
كسر "النحس" الجيوسياسي: إحنا بظروف حرب وتوترات مع #إيران وكوبا والأسهم الأمريكية عم تعاني إنه يضل في "دخول كاش" للبيتكوين لـ 4 أيام متواصلة هاد بيعني إن المؤسسات عم تشوف البيتكوين "ملاذ آمن" أو "تحوط" مو بس أصل للمخاطرة.
استقرار السعر فوق الـ 70 ألف: البيتكوين حالياً عم يحاول يثبت بمنطقة الـ 71,000 دولار.
دخول هي السيولة عم يعمل "أرضية" بتمنع السعر من الانهيار رغم كل الأخبار السلبية اللي عم نسمعها.
المحرك لما بتشوف "بلاك روك" مستحوذة على حصة الأسد من الدخول (46 مليون من أصل 54) بتعرف إنه "الحيتان الكبار" لسا مؤمنين بالطلعة ومستمرين بالتجميع الهادئ.
مقارنة بالذهب: البيانات عم تفرجي إنه بينما صناديق الذهب عم تشوف خروج سيولة البيتكوين عم يشوف دخول هاد "تحول هيكلي" تاريخي عم نعيشه بـ 2026.
أهم شيء لازم تفهمه صديقي المتداول الحزين 🔴
"الكاش لسا عم يصب بمصيدة البيتكوين" المؤسسات ما بتلعب "قمار" لما بيدخلوا لـ 4 أيام ورا بعض بظروف حرب معناها هنن عم يجمعوا بصبر. البيتكوين اليوم عم يثبت إنه "ما بيخاف" من العواصف الجيوسياسية متل قبل الأسواق ناطرة الإغلاق الأسبوع وإذا كملنا هيك رح تكون "شمعة أسبوعية" بتفتح النفس.
#BTC
