$BTC
لوكان نحللو البيانات لي في الشارت، يبان بالتدقيق وين راهي نقاط الدخول نتاع مايكل سايلور. الخط المنقط بالأخضر يمثل متوسط السعر نتاعو، والغريبة نلاحظو بلي راهو يتبع الهربة ويشري في القمة، بينما في القاع نتاع 2022 ما شفناش منو هاداك الشراء القوي لي كان يستناه السوق ودكا راهو يلمح بلي حاب يزيد يشري في هاد الأسعار العالية
تقنياً، الخطة نتاعو غير مفهومة، ويبان بلي العامل النفسي راهو غلب عليه والقرار عاطفي أكثر ملي هو مدروس. هادا ماشي مجرد تحليل، هادي أرقام نتاع مشتريات ضخمة راهي قدامنا.
صح القيمة السوقية نتاع المحفظة نتاعو راهي ضخمة، بصح العائد مقارنة براس المال راهو عادي جداً وما راهوش قاع في مستوى التوقعات.
الخلاصة: سايلور راهو حط كاع واش عندو يا إما البيتكوين يروح لأسعار خيالية ويرجعو أغنى رجل في العالم، يا إما راهو رايح للإفلاس. حنا رانا نحكيو بالأرقام نتاع دكا ماشي بالتوقعات. هاد الشخص يا يولي أسطورة يحكي عليها التاريخ، يا يولي أكبر فضيحة كيما صراتلو في أزمة 'الدوت كوم
