Əsas məqamlar
Binance Sİ Agentinin bacarıqlarına Web3 datasına fokuslanmış bir sıra bacarıqlar daxildir. Bunlar Sİ agentlərinin birbaşa Binance-dan eksklüziv zəncirdaxili data üçün sorğu göndərmələrinə imkan verən ixtisaslaşmış əlavələrdir.
Binance Bacarıqlar ilə Sİ agentinizin smart pulları izləmək, tokenlərin təhlükəsizliyini yoxlamaq, bazar tendensiyalarını kəşf etmək və s. üçün şəxsi kriptovalyuta analitiki kimi fəaliyyət göstərməsinə imkan verə bilərsiniz.
Eyni zamanda yüksək riskli tokenləri filtrləmək və prioritet izləmə siyahılarını müəyyən etmək üçün təkmil, avtomatlaşdırılmış iş axınları yaratmaq məqsədilə bir neçə bacarığı birləşdirə bilərsiniz.
Giriş
Zəncirdaxili qaydada çox fəaliyyət baş verdiyi üçün yeni token buraxılışlarını, smart pul hərəkətlərini və bazar əhval-ruhiyyəsini izləmək çətin ola bilər. Blok eksplorerlərini və qrafikləri əllə klikləmək əvəzinə artıq sizin üçün ağır işləri görməyi avtonom Sİ agentlərinə (məsələn, OpenClaw) öyrədə bilərsiniz.
Binance Web3 data bacarıqları Sİ köməkçinizə Binance-a özəl zəncirdaxili dataya birbaşa giriş imkanı verən alətlər dəstidir. Bu təlimatda bazar araşdırmanızı dəstəkləmək üçün bu bacarıqları quraşdırmaq və istifadə etmək qaydalarını araşdıracağıq.
1. Binance Web3 data bacarıqlarını quraşdırmaq qaydası
Terminal əsaslı Sİ agentindən (məsələn, OpenClaw) istifadə etdiyiniz halda, botunuza təbii dildə olan əmr göndərə bilərsiniz.
Sİ Agentinizə aşağıdakılarla sorğu göndərin:
Install Binance Skills for me. Run the command: npx skills add binance/binance-skills-hubAgentiniz paket menecerini avtomatik olaraq işə salmalı, rəsmi bacarıq habını endirməli və alətləri işə salmalıdır.
Binance Sİ Agentinin bacarıqlarının quraşdırılması ilə bağlı daha ətraflı təlimat üçün Binance Sİ Agentinin bacarıqları: quraşdırılma və istifadə qaydası bölməsinə nəzər salın.
Təhlükəsizlik xəbərdarlığı: Sİ Agentinizi necə konfiqurasiya etməyinizdən asılı olaraq bacarıqlar şəbəkə/alət hərəkətlərini avtomatik icra edə bilər. Bacarıqları yalnız etibarlı mənbələrdən quraşdırmaq, agenti ictimai internetdən uzaq saxlamaq və API açarlarını və ya toxum frazalarını heç vaxt söhbətlərə və ya sorğulara yapışdırmamaq tövsiyə olunur. Mümkün olduğu halda, sandbox (Docker/VM) və ən az imtiyazlı parametrlərdən istifadə edin.
2. Əsas bacarıqlara ümumi baxış və istifadə nümunələri
Altı əsas əlçatan Web3 data bacarığının təhlili və yoxlamaq üçün ən yaxşı sorğular.
1. Kriptovalyuta-bazarını-sırala (Bazarın kəşf edilməsi)
Bu bacarıq birinci qat imkan skaneri kimi fəaliyyət göstərərək reytinqli bazar kəşfi datası təqdim edir. O, trenddə olan tokenlər, əsas axtarış sorğuları, sosial həyəcan, Smart pul axını və Mem reytinqləri kimi datanı çəkir.
Yoxlamaq üçün nümunə sorğular:
"Həcmə görə çeşidləməklə BSC üzrə 24 saat trenddə olan top 20 siyahısını göstər."
"Solana üzrə top 10 əsas axtarışı əldə et və əlaqə ünvanlarını daxil et."
"Likvidliyi 1 milyon $-dan və sahibi 3000-dən çox olan populyar tokenləri filtrlə."
2. Mem-önbaxışı (Hekayə izləmə)
Mem önbaxışı bacarığı mem koini imkanlarını və sürətli dövr edən tokenləri aşkar etməyə imkan verir. Bu bacarıq tokenləri həyat dövrü mərhələlərinə görə izləyən (Yeni / Tamamlanan / Köçürülmüş) və mövzu dinamikasını ölçən (Ən yeni / Yüksələn / Viral) iki modeldən ibarətdir (Mem önbaxışı və Mövzu önbaxışı).
Yoxlamaq üçün nümunə sorğular:
"Mənə əlaqəli tokenləri ilə birlikdə BSC Mövzu önbaxışı üzrə "Yüksələn" top 10 siyahısını göstər."
"Yüksələn dinamikası olan yeni buraxılmış BSC mem tokenlərini tap."
"Xalis mədaxilə görə çeşidləməklə Solana Mövzu önbaxışı üzrə "Viral" olan top 10 siyahısını əldə et."
3. Sorğu-ünvan-məlumat (Pul kisəsi profilinin yaradılması)
Bu bacarıqdan müəyyən pul kisəsi ünvanlarının portfelini təhlil etmək üçün istifadə etmək olar. O, saxlancları, mövqe ölçülərini, 24 saat üzrə qiymət dəyişikliklərini və konsentrasiya riskini təhlil edir. Bu, "smart pul" pul kisələrini izləmək üçün olduqca faydalıdır.
Yoxlamaq üçün nümunə sorğular:
"Bu BSC pul kisəsi aktivlərini və konsentrasiya riskini təhlil et: 0x..."
"Bu pul kisəsindəki top 10 mövqeyi 24 saat üzrə qiymət dəyişiklikləri ilə birlikdə USD dəyərinə görə göstər."
"Bu ünvan üçün Top 1, Top 3 və Top 10 bölüşdürmə paylarını hesabla və risk səviyyəsini qiymətləndir."
4. Sorğu-token-audit (Təhlükəsizlik və risk yoxlaması)
Sorğu-token-audit treydinq etməyi düşünməyinizdən əvvəl token müqavilələri üzərində avtomatlaşdırılmış təhlükəsizlik yoxlamaları aparır. O, ümumi təhlükəsizlik təsnifatını təmin etmək üçün riskləri, icazə xəbərdarlıqlarını və risk göstəricilərini axtarır.
Yoxlamaq üçün nümunə sorğular:
"Bu token müqaviləsi üçün təhlükəsizlik auditi yoxlaması apar: 0x..."
"Bu token risklidir? Mənə aydın fikir bildir və texniki səbəbləri sadala."
"Bu 5 müqaviləni yoxla və riskə görə sırala: Baxmaq / Diqqətli olmaq / Yayınmaq."
5. Sorğu-token-məlumat (Token kəşfiyyatı)
Bir addımla hərtərəfli token kəşfiyyatı qaytarır. Token məlumatlarını (simvol/ad/zəncir), bazar datasını (qiymət, həcm, likvidlik, bazar kapitalı) və sahibinin göstəricilərini təqdim edir.
Yoxlamaq üçün nümunə sorğular:
"Bu müqaviləni müəyyən et: hansı tokendir və hansı zəncirdədir? 0x..."
"Mənə tam token statistikası ver: qiymət, 24 saat üzrə dəyişiklik, həcm, likvidlik və sahiblərin sayı."
"Likvidliyi, pul kisəsi konsentrasiyası və dəyişkənliyi əsasında bu token üçün əsas risk xəbərdarlıqlarını sadala."
6. Treydinq-siqnalı (Smart pul izləmə)
İstiqaməti (alış/satış), cari qiymətə nəzərən ilkin qiyməti, maksimum qazancı və siqnalın aktiv statusunu ətraflı şəkildə göstərən Smart pul siqnallarını əldə edir. Yüksək keyfiyyətli izləmə siyahıları yaratmaq üçün istifadə edin.
Yoxlamaq üçün nümunə sorğular:
"Ən son BSC smart pul siqnallarını əldə et və keyfiyyətə görə sırala."
"İlkin qiymət və cari qiymət daxil olmaqla yalnız aktiv alış siqnallarını göstər."
"Bugün üzrə ən güclü 5 smart pul siqnalını ver və səbəbi izah et."
3. Qabaqcıl strategiyalar: birləşdirilmiş iş axınları
Sİ agentlərinin əsl gücü bu bacarıqları birləşdirərək bir neçə saniyəyə dərin, çoxmərhələli analiz aparmaq qabiliyyətlərindədir.
Ekspert tövsiyəsi: agentinizə "Birləşdirilmiş iş axınları" mənimsətməklə axtarış prosesinizi avtomatlaşdırın.
İş axını A: populyar tapıntılardan ticarətə uyğun qısa siyahıya keçid
Məqsəd: populyar tokenləri kəşf etmək, risklərə görə filtrləmək və təhlükəsiz, ticarətə uyğun qısa siyahı yaratmaq.
İstifadə edilən bacarıqlar:
Kriptovalyuta-bazarını-sırala
Sorğu-token-məlumat
Sorğu-token-audit
Sorğu nümunəsi: son 30 gün üzrə yeni populyar BSC tokenlərini tap, ticarətə uyğunluq göstəricilərinə görə top 10 siyahısını tərtib et və sonra top 5 üzərində riskləri yoxlamaq üçün təhlükəsizlik auditi apar.
İş axını B: siqnalın aşkar edilməsindən prioritet izləmə siyahısına keçid
Məqsəd: smart pul siqnallarını tap, tokenin sağlamlığını doğrula və pul kisəsinin davranışını qarşılıqlı yoxla.
İstifadə edilən bacarıqlar:
Treydinq-siqnalı
Sorğu-ünvan-məlumat
Sorğu-token-məlumat
Sorğu nümunəsi: "BSC üzrə ən son smart pul alışı siqnallarını əldə et. Likvidliyi aşağı olan tokenləri çıxar, bunu pul kisəsi konsentrasiyası məlumatları ilə birləşdir və mənim üçün top 3 prioritet izləmə siyahısı tokenlərini ver."
Yekun fikirlər
Blok eksplorerlərini araşdırmaq və pul kisəsi datasını əllə birləşdirmək yorucudur. Bu Binance bacarıqlarını Sİ agentinizə qoşmaqla nömrələri bir neçə saniyəyə sizin üçün işlədən yorulmaz araşdırma köməkçisi əldə edirsiniz. Quraşdırın, yuxarıdakı bir neçə sorğunu sınayın və sizə nə qədər vaxt qazandırdığını görün.
Əlavə material
İmtina: bu məzmun sizə yalnız məlumatlandırma və maarifləndirmə məqsədilə "olduğu kimi" təqdim olunur və heç bir şəkildə təmsiletmə və ya zəmanət məqsədi daşımır. O, maliyyə, hüquqi və ya digər peşəkar məsləhət kimi qəbul edilməməlidir. Heç bir məhsulun və ya xidmətin alınmasını tövsiyə etmək məqsədi daşımır. Özünüz üçün məsləhət alarkən uyğun mütəxəssisə müraciət etməyiniz tövsiyə olunur. Üçüncü tərəf məqaləyə töhfə verdiyi halda, nəzərə alın ki, ifadə olunan fikirlər həmin üçüncü tərəfə aiddir və Binance Akademiyasının mövqeyini əks etdirmir. Rəqəmsal aktivlərin qiymətləri dəyişkən ola bilər. İnvestisiyanızın dəyəri azala və arta bilər, eyni zamanda investisiya qoyduğunuz vəsaiti tam geri ala bilməyə bilərsiniz. İnvestisiya qərarlarınıza görə məsuliyyət tamamilə sizə aiddir və Binance Akademiyası mümkün itkilərə görə məsuliyyət daşımır. Ətraflı məlumat üçün İstifadə qaydası, Risk xəbərdarlığına və Binance Akademiyasının şərtlərinə baxın.