Əsas məqamlar
Binance-ın 2FA doğrulama strategiyası daha güclü və fərdiləşdirilmiş hesab təhlükəsizliyi üçün bir neçə 2FA metodunu fərdiləşdirməyinizə imkan verir.
Bu xüsusiyyət doğrulanmış istifadəçilər və ya 100 USDT-dən çox aktivi olanlar üçün əlçatandır.
2FA doğrulamanızı fərdiləşdirməklə rahatlıq və arxayınlıq arasında ən yaxşı balansa nail olmaq üçün icazəsiz giriş və nağdlaşdırmalara qarşı qorunmanı təkmilləşdirə bilərsiniz.
Giriş
Rəqəmsal aktivlərinizin qorunması məsələsində təhlükəsizlik çox vacibdir. Lakin hesabın qorunması məsələsinə gəldikdə təbii olaraq fərqli istifadəçilərin fərqli ehtiyacları və seçimləri olacaq. Buna görə də Binance sizə seçim imkanı verən təhlükəsizlik xüsusiyyəti olan 2FA doğrulama strategiyasını yaradıb.
2FA doğrulama strategiyası xüsusiyyəti giriş və nağdlaşdırma üçün təhlükəsizlik qatlarını fərdiləşdirməyinizə imkan verir, yəni hansı ikimərhələli autentifikasiya (2FA) metodlarından istifadə etmək istədiyinizi dəqiqliklə seçə bilərsiniz. Bunu, öz rəqəmsal kisənizi istədiyiniz kimi, çoxqatlı təhlükəsizliklə təşkil etmək kimi düşünün.
2FA doğrulama strategiyası nədir?
2FA doğrulama strategiyası bir təhlükəsizlik tərtibatından kənara çıxmağa imkan verir. Bir metoda əsaslanmaq əvəzinə, daxil olduğunuz və ya vəsait nağdlaşdırdığınız zaman hansı əlavə doğrulama addımlarının tələb olunacağını özünüz qərarlaşdıra bilərsiniz.
2FA metodlarını bir neçə yolla birləşdirə bilərsiniz və bu, müdafiənizi təkmilləşdirməklə yanaşı, həm də sizə rahatlıq və təhlükəsizlik arasında balans yaratmaq sərbəstliyi qazandırır.
Binance-ın 2FA doğrulama strategiyasından istifadə etmək qaydası
2FA strategiyanızı aktivləşdirmək çox sadədir:
1. Binance hesabınıza daxil olun, [Profil ikonuna], sonra [Hesab] bölməsinə keçin.
2. Sonra [Təhlükəsizlik] bölməsinə keçin və [2FA doğrulama strategiyasını] tapın. Başlamaq üçün [İdarə et] və [Strategiya əlavə et] üzərinə klikləyin.
3. Qaydaları oxuyun və başa düşdüyünüzü təsdiqləyin. Qutuları işarələyin və hazır olduqda [Davam et] üzərinə klikləyin.
4. Giriş, Aktivlər və ya Hesab parametrləri kimi fərdiləşdirmək istədiyiniz ssenarini seçin. Bu nümunədə Aktivlərdən istifadə edəcəyik.
5. Nəhayət, istədiyiniz 2FA yoxlamalarını fərdiləşdirin. Ehtiyaclarınıza uyğun gələn bir neçə variant arasından seçim edə bilərsiniz.
6. FA doğrulama strategiyası səhifəsində cari ssenarilərinizi yoxlaya və redaktə edə, yaxud yeni ssenarilər yarada bilərsiniz.
Strategiyanı kim əlavə edə bilər?
Təhlükəsizliyi təmin etmək üçün yalnız müəyyən istifadəçilər 2FA doğrulama strategiyası yarada bilərlər. Bu şərtlərdən ən azı birinə cavab verdiyiniz halda, uyğun hesab olunursunuz:
Hesabınızın doğrulanmasını (Müştərini tanı) tamamlamısınız.
Hesabınızdakı aktivlərin dəyəri 100 USDT-dən çoxdur.
Nə üçün vacibdir?
Kriptovalyuta təhlükəsizliyiniz güzəşt kimi hiss olunmamalıdır. 2FA strategiyanızı fərdiləşdirməklə:
Parollardan əlavə qoruma qatları əlavə edirsiniz.
Hətta bir metodda boşluq olsa da, icazəsiz nağdlaşdırmanın qarşısını alırsınız.
Təhlükəsizlik tərtibatınızın həqiqətən sizə məxsus olduğunu bilərək arxayın olursunuz.
Yekun fikirlər
2FA doğrulama strategiyası ilə sadəcə təhlükəsizlik üzrə ən yaxşı təcrübələrə əməl etmirsiniz; onları istədiyiniz kimi təyin edirsiniz. Bu xüsusiyyət hər dəfə daxil olduqda, nağdlaşdırma etdikdə və ya hesab parametrlərinizi dəyişdirdikdə sizə daha çox nəzarət imkanı, sərbəstlik və arxayınlıq qazandırır.
Əlavə materiallar
İmtina: bu məzmun sizə heç bir bəyanat və ya zəmanət olmadan yalnız ümumi məlumatlandırma və maarifləndirmə məqsədləri üçün "olduğu kimi" təqdim edilir. O, maliyyə məsləhəti, hüquqi və ya digər peşəkar məsləhət kimi şərh edilməməli, eyni zamanda hər hansı xüsusi məhsul və ya xidmətin alınmasını tövsiyə etmək məqsədi daşımamalıdır. Müvafiq peşəkar məsləhətçilərdən fərdi məsləhət almağınız tövsiyə olunur. Bu məqalədə qeyd olunan məhsullar regionunuzda əlçatan olmaya bilər. Məzmun üçüncü tərəf töhfəçisi tərəfindən təqdim edildiyi hallarda nəzərə alın ki, ifadə edilən fikirlər həmin üçüncü tərəf töhfəçisinə məxsusdur və mütləq şəkildə Binance Akademiyasının fikirlərini əks etdirmir. Əlavə məlumat üçün tam imtina bildirişimizi oxuyun. Rəqəmsal aktivlərin qiymətləri dəyişkən ola bilər. İnvestisiyanızın dəyəri azala, yaxud arta bilər və investisiya qoyduğunuz məbləği geri almaya bilərsiniz. İnvestisiya qərarlarınıza görə yalnız özünüz məsuliyyət daşıyırsınız və Binance Akademiyası yarana biləcək itkilərə görə cavabdehlik daşımır. Bu material maliyyə məsləhəti, hüquqi və ya digər peşəkar məsləhət kimi şərh edilməməlidir. Daha ətraflı məlumat üçün İstifadə qaydasına və Risk xəbərdarlığına baxın.