Əsas məqamlar
Gəlir farminqi və steykinq istifadəçilərə kriptoaktivlərini daim treydinq etmədən onlardan mükafatlar əldə etməyə imkan verir.
Steykinq tranzaksiyaların doğrulanması və mükafatların əldə edilməsi üçün blokçeynin pay sübutu (PoS) mexanizmində iştirak etməyi nəzərdə tutur.
Fəlir farminqi adətən mükafat əldə etmək üçün aktivlərin likvidlik hovuzlarında borc verilməsini və ya steykinq edilməsini əhatə edir, lakin bu proses çox vaxt steykinqdən daha aktiv idarəetmə tələb edir.
Steykinq sabitlik və vaxt baxımından səmərəlilik təqdim etdiyi halda, gəlir farminqi daha yüksək gəlir imkanları yarada bilər, lakin daha yüksək mürəkkəblik və risklərlə müşayiət olunur.
Passiv investisiyanın əsas üstünlüklərindən biri onun aktiv treydinqlə müqayisədə çox az səy tələb etməsidir. Lakin unutmayın ki, bu mükafatlar yalnız bazar qiymətləri sabit qaldıqda və ya artdıqda həqiqətən dəyərli olur.
Giriş
İnsanlar kriptovalyuta treydinqinə başladıqda adətən tokenlərin alqı-satqısına (spot treydinqi) diqqət yetirirlər. Lakin bir müddət sonra bir çox investor istifadə olunmayan aktivlərindən daha səmərəli yararlanma yollarını axtarmağa başlayır.
Burada passiv investisiya meydana çıxır. Əgər aktiv treydinqdə əmin deyilsinizsə, bu yaxşı seçimdir; o, bazarları daimi izləmədən aktivlərinizi artırmağa imkan verir.
Kriptovalyuta sahəsində passiv gəlir əldə etməyin ən məşhur iki üsulu steykinq və gəlir farminqidir. Hər iki strategiya mükafatlar qazandıra bilər, lakin onlar fərqli şəkildə işləyir və özünəməxsus risk profillərinə malikdir. Bu bələdçi sizə investisiya üslubunuza hansı üsulun daha uyğun olduğunu seçməyə kömək edir.
Passiv investisiya nədir?
Passiv investisiyanı pulunuzu çox səy göstərmədən artırmaq üsulu kimi düşünün. Qiymətləri hər saat yoxlamaq və ya çoxlu treydinq etmək əvəzinə, aktivlərə sərmayə qoyur və onların zamanla böyüməsinə imkan verirsiniz.
Kriptovalyuta dünyasında bunu etmək üçün bir çox üsul mövcuddur. Məşhur nümunələrə steykinq, gəlir farminqi və borc vermə daxildir.
Üstünlüklər
Mükafat qazanın: aktivlərinizi saxlamaqla onların miqdarını artırmaq mümkündür.
Sabitlik: aktiv treydinqdən fərqli olaraq, passiv investisiya davamlı qərarlar vermək əvəzinə, adətən uzunmüddətli məqsədə yönəlmiş müəyyən bir plana əsaslanır.
Vaxta qənaət: bu, daha az müdaxilə tələb edən yanaşma istəyənlər üçün əladır. Aktiv treydinqə nisbətən çox az vaxt və səy tələb edir.
Risklər
Başlamazdan əvvəl passiv investisiyanın mümkün mənfi tərəflərini başa düşmək vacibdir:
Bazar riski: aktiv şəkildə pulunuzu idarə etmədiyiniz üçün bazar dəyişərsə və ya çökərsə, kifayət qədər tez reaksiya verə bilməyiniz çətin ola bilər. Bu isə zərərlərə və ya investisiyanın zəif performans göstərdiyi dövrlərə səbəb ola bilər.
Vəsaitlər kilidlənmiş ola bilər: seçdiyiniz məhsuldan asılı olaraq, bir müddət pulunuza toxuna bilməyəcəksiniz.
Mərkəzləşmə riski: bəzi passiv strategiyalar bir neçə konkret aktivə çox güvənir. Əgər həmin aktivlərdə problemlər yaranarsa, investisiyanız təsirlənə bilər.
Steykinq
Steykinq kriptovalyutada passiv gəlir əldə etməyin ən məşhur üsullarından biridir. Kriptovalyuta steykinqində iştirak edərkən, mükafatlarınız blokçeyn validatorlarının gördüyü işə əsaslanır (Pay sübutu konsensus mexanizminin bir hissəsi kimi).
Binance-də necə işləyir?
Binance ETH Steykinqi, SOL Steykinqi və Yumşaq Steykinq kimi sadə seçimlər təklif edir. Proses çox sadədir: kriptovalyutanızı yatırırsınız və mükafatlar avtomatik olaraq geri qaytarılır.
Sərbəst və Kilidlənmiş: bəzi seçimlər sərbəstdir, yəni istədiyiniz zaman vəsaitinizi götürə bilərsiniz. Digərləri isə kilidlidir, yəni vəsaitinizi müəyyən müddət orada saxlamağa razılaşırsınız.
Likvid Steykinq: ETH və SOL kimi aktivlər üçün Binance sizə steykinq edilmiş aktivlərinizi təmsil edən bir token (məsələn, BETH və ya BNSOL) verir. Bu böyük üstünlükdür, çünki ənənəvi steykinqdən fərqli olaraq, vəsaitiniz kilidli olsa da, bu tokenləri istifadə edə, sata və ya köçürə bilərsiniz və eyni zamanda mükafatlar əldə edirsiniz.
Yumşaq steykinq: dəstəklənən aktivləri Binance Spot tətbiqinizdə saxlayaraq passiv gəlir əldə etməyin sadə və çevik yoludur. Aktivlərinizi istədiyiniz zaman treydinq etmək, çıxarmaq və ya istifadə etmək mümkündür, heç bir lokap müddəti yoxdur. Mükafatlar orta günlük balansınıza əsaslanır və avtomatik paylanır.
Gəlir farminqi
Gəlir farminqi istifadəçilərin aktivlərini likvidlik hovuzları adlanan smart müqavilələrə yatıraraq passiv gəlir əldə etdiyi DeFi (mərkəzdənkənar maliyyə) sahəsində istifadə olunan strategiyadır.
Steykinqdən fərqli olaraq, gəlir farminqi blokçeyn şəbəkəsini qorumağa kömək etməklə deyil, mərkəzləşdirilməmiş birjalar, borc vermə platformaları və digər DeFi protokollarına likvidlik təmin etməyə yönəlib. Məşhur nümunələrə Aave və Uniswap daxildir.
Likvidlik provayderləri (LP-lər): gəlir farminqində iştirak edərkən siz likvidlik provayderi rolunu oynayırsınız. Digər istifadəçilərin treydinq, borc vermə və ya borc götürməsini asanlaşdırmaq üçün vəsait yatırırsınız.
Mükafatlar: aktivlərinizi "kirayə verdiyiniz" üçün mükafatlar qazanırsınız. Bunlar faiz, tranzaksiya komissiyalarının bir hissəsi və idarəetmə tokenləri şəklində ola bilər.
Müvəqqəti zərər: ayrılma zərəri kimi də tanınan bu zərər gəlir farminqinə xas riskdir. Müvəqqəti zərər yatırdığınız aktivlərin qiyməti depozit etdiyiniz zamankı qiymət ilə müqayisədə dəyişdikdə baş verir. Bəzi hallarda, tokenləri sadəcə pul kisənizdə saxlamağınızdan daha az dəyərə sahib ola bilərsiniz.
Steykinq və gəlir farminqi
Steykinqlə müqayisədə gəlir farminqi adətən daha mürəkkəbdir. Hər ikisi istifadə olunmayan aktivlərdən mükafat əldə etməyə imkan versə də, mexanizm və risklər fərqlidir.
Məqsəd: steykinq blokçeyn şəbəkəsini qorumağa (pay sübutu) və tranzaksiyaları dorğulamağa kömək edir. Gəlir farminqi isə digər istifadəçilərin treydinq və ya borc götürməsini təmin etmək üçün DeFi tətbiqlərinə likvidlik təqdim edir.
Mürəkkəblik: steykinq adətən “qoy və unut” strategiyasıdır. Gəlir farminqi isə tez-tez aktiv idarəetmə tələb edir, məsələn, daha yaxşı gəlir əldə etmək üçün vəsaitləri müxtəlif hovuzlar arasında köçürmək (gəlir aqqregatorları bu işdə kömək edə bilər).
Risk profili: steykinq riskləri əsasən aktivin qiyməti və ya validatorun performansı ilə bağlıdır. Gəlir farminqi isə əlavə risklər daşıyır, məsələn, smart müqavilə zəiflikləri, rug pull-lar və müvəqqəti zərər.
Gəlirlilik: daha yüksək risk və mürəkkəblik səbəbindən, gəlir farminqi adətən steykinqdən daha yaxşı gəlir təmin edir.
Sizin üçün hansı daha uyğundur?
İkisi arasında seçim təcrübə səviyyənizdən, riskə dözümlülüyünüzdən və nə qədər aktiv olmaq istədiyinizdən asılıdır.
Aşağıdakı hallarda steyqinki seçin:
Kriptovalyuta məkanında yenisinizsə.
Mükafatlar qazanmaq üçün sadə üsula üstünlük verirsinizsə.
Müəyyən qat 1 tokenlərini (məsələn, ETH və ya SOL) uzunmüddətli saxlayırsınız və şəbəkənin təhlükəsizliyinə töhfə vermək istəyirsinizsə.
Daha mürəkkəb DeFi strategiyaları ilə məşğul olmadan daha proqnozlaşdırıla bilən gəlir əldə etmək istəyirsinizsə.
Aşağıdakı hallarda gəlir farminqini seçin:
Smart müqavilələr və kriptovalyuta pul kisələri ilə rahat işləyən təcrübəli bir DeFi istifadəçisisinizsə.
Daha yüksək riskə dözümlüsünüz və daha yaxşı mükafat qazanmaq şansı üçün əlavə risklər almağa hazırsınızsa.
Mövqelərinizi aktiv idarə etmək və müxtəlif likvidlik hovuzlarını araşdırmaq üçün vaxta sahibsinizsə.
Müəyyən idarəetmə tokenləri qazanmaq və ya boş duran aktivlərinizdən maksimum gəlir əldə etmək istəyirsinizsə.
Yekun fikirlər
Steykinq və gəlir farminqi kriptovalyuta bazarında passiv gəlir əldə etməyin mümkün üsullarıdır. Steykinq daha sabit və proqnozlaşdırıla bilən yol təqdim edir, bu da onu yeni başlayanlar və ya sevdikləri blokçeyn şəbəkələrini dəstəkləmək istəyənlər üçün uyğun edir. Gəlir farminqi isə daha yüksək potensial gəlir təqdim edə bilər, lakin DeFi bazarlarını daha dərindən başa düşməyi və ciddi risk idarəetməsi tələb edir.
Hansı yolu seçməyinizdən asılı olmayaraq, həmişə öz araşdırmanızı aparmağı və yalnız itirə biləcəyiniz qədər risk etməyi unutmayın. Təhlükəsizliyi artırmaq üçün texniki təminat pul kisələrindən istifadə etməyi və investisiyalarınızı şaxələndirməyi də nəzərə alın.
Əlavə material
İmtina: bu məzmun yalnız ümumi məlumat və təhsil məqsədləri üçün “olduğu kimi” təqdim olunur və hər hansı bir zəmanət və ya təmiat daşımır. Bu, maliyyə, hüquqi və ya digər peşəkar məsləhət kimi başa düşülməməlidir və hər hansı məhsul və ya xidmətin alınmasını tövsiyə etmək məqsədi daşımır. Öz qərarlarınızı uyğun peşəkar məsləhətçilərdən əldə etməlisiniz. Bu məqalədə qeyd olunan məhsullar sizin bölgənizdə mövcud olmaya bilər. Məqalə üçüncü tərəf tərəfindən təqdim olunubsa, nəzərə alın ki, ifadə olunan baxışlar həmin üçüncü tərəfə aiddir və Binance Academy-nin mövqeyini əks etdirməyə bilər. Ətraflı məlumat üçün tam imtinamızı oxuyun. Rəqəmsal aktivlərin qiymətləri dəyişkən ola bilər. Sizin investisiyanızın dəyəri artıb-azala bilər və yatırdığınız məbləği geri ala bilməyə bilərsiniz. Yalnız investisiya qərarlarınız üçün siz məsuliyyət daşıyırsınız və Binance Academy hər hansı itkilər üçün cavabdeh deyil. Bu material maliyyə, hüquqi və ya digər peşəkar məsləhət kimi başa düşülməməlidir. Daha ətraflı məlumat üçün İstifadə qaydamızı və Risk xəbərdarlığımızı nəzərdən keçirin.