U_KHAN02

بٹ کوائن کوئی عام سکے یا نو
ٹ نہیں ہوتا جسے کوئی پرنٹنگ مشین چھاپتی ہو۔ اسے بنانے یعنی مائن کرنے کے لیے خاص کمپیوٹرز لگائے جاتے ہیں، جنہیں بہت زیادہ تیز رفتار اور طاقتور بنایا جاتا ہے۔
یہ کمپیوٹر دن رات ایک مشکل سا ریاضی کا سوال پزل حل کرنے کی کوشش کرتے ہیں۔ جو کمپیوٹر سب سے پہلے یہ سوال حل کر لیتا ہے، اسے انعام کے طور پر نیا بٹ کوائن ملتا ہے۔
اب مسئلہ یہ ہے کہ یہ سوال اتنا آسان نہیں ہوتا۔ اسے حل کرنے میں ہزاروں کمپیوٹرز بیک وقت کام کر رہے ہوتے ہیں وہ دن رات بغیر رکے چلتے ہیں اور وہ اتنی زیادہ بجلی کھاتے ہیں جتنی بعض ملکوں کی پوری سال کی بجلی ہوتی ہے
اسی لیے بٹ کوائن کی مائننگ پر تنقید ہوتی ہے، کیونکہ یہ ماحول پر دباؤ ڈالتی ہے، اور بہت زیادہ بجلی ضائع کرتی ہے صرف ڈیجیٹل کرنسی بنانے کے لیے۔ یعنی بجلی اسی لیے لگتی ہے کہ کمپیوٹرز کو 24 گھنٹے دماغ لڑانا پڑتا ہے تاکہ بٹ کوائن کمایا جا سکے۔

1. کیا یہ سب کیے بغیر بٹ کوائن نہیں بنایا جا سکتا؟ بٹ کوائن کا سسٹم ہی ایسا بنایا گیا ہے کہ بغیر مائننگ یعنی پزل حل کیے بٹ کوائن بن ہی نہیں سکتا۔ یہ سیکیورٹی کا حصہ ہے، تاکہ کوئی بھی آسانی سے یا دھوکے سے بٹ کوائن نہ بنا سکے۔
2. پزل حل کرنے پر بٹ کوائن کون دیتا ہے؟ کہاں سے آتا ہے؟
بٹ کوائن کوئی کمپنی یا حکومت نہیں بناتی۔ جب کوئی مائنر یعنی کمپیوٹر وہ خاص پزل حل کرتا ہے، تو بٹ کوائن کا سسٹم خود بخود نیٹ ورک کے ذریعے نیا بٹ کوائن جنریٹ کر دیتا ہے۔ جیسے کسی درخت سے نیا پھل نکلتا ہے۔ اسے ہم کہتے ہیںNew Bitcoin Minted یہ سارا نظام پہلے سے کوڈ میں لکھا ہوا ہے۔

3. اتنی بجلی استعمال کرنے پر بل کون دیتا ہے؟
جو بندہ یا کمپنی مائننگ کر رہی ہوتی ہے، وہ خود بجلی کا بل دیتی ہے۔ اسی لیے مائننگ وہیں زیادہ ہوتی ہے جہاں بجلی سستی ہو جیسے کچھ چائنیز، روسی یا افریقی علاقوں میں۔
کیونکہ مائننگ سے بٹ کوائن ملتا ہے، اور بٹ کوائن کی قیمت لاکھوں میں ہوتی ہے، تو مائنر سمجھتا ہے کہ اگر پزل حل ہو گیا، تو اسے انعام میں بٹ کوائن ملے گا اور وہ لاکھوں کا فائدہ کر سکتا ہے۔
ایسا بھی ہو سکتا ہے کہ مائننگ کرنے کے باوجود بھی آپ کو بٹ کوائن نہ ملے۔ یہ مائننگ ایک مقابلہ ہوتا ہے لاکھوں کمپیوٹرز ایک ہی پزل حل کرنے کی کوشش کر رہے ہوتے ہیں، اور صرف وہی جیتتا ہے جس کا کمپیوٹر سب سے پہلے صحیح حل نکالے۔ باقی سب کی محنت ضائع چلی جاتی ہے۔ اسی لیے مائننگ اب انفرادی طور پر فائدہ مند نہیں رہی۔
دنیا میں سب سے زیادہ بٹ کوائن مائننگ کہاں ہوتی ہے؟
فی الحال 2025 تک سب سے زیادہ مائننگ ان ملکوں میں ہوتی ہے جہاں بجلی سستی ہے، انٹرنیٹ تیز اور مستحکم ہے، قوانین سخت نہیں۔ مثلاً چین (اگرچہ اب کافی پابندیاں ہیں) وہاں بھی۔ روس، قازقستان، امریکا خصوصاً ٹیکساس میں، ایران، کینیڈا۔
اگر آپ بٹ کوائن مائننگ کا سسٹم لگانا چاہیں تو کیا کیا درکار ہے؟
پاکستان میں بٹ کوائن مائننگ اب قانونی ہے، جولائی 2025 سے Virtual Assets Ordinance نافذ ہے۔ حکومت 2000 میگاواٹ بجلی مختص کر رہی ہے، سبسڈائزڈ ریٹ Rs 25 فی یونٹ۔ مائننگ کا مطلب ہے خاص ASIC مشینیں جیسے Antminer S19 استعمال کر کے پیچیدہ حسابات کر کے نئی بٹ کوائنز بنانا۔ درکار چیزیں 1-2 مشینیں، ہائی سپیڈ انٹرنیٹ، کولنگ والا کمرہ، UPS اور جنریٹر، مائننگ سافٹ ویئر اور بٹ کوائن والٹ۔
قانونی طور پر Crypto Council سے لائسنس لو، ٹیکس ادا کرو 15% تک اور سیکیورٹی کا خیال رکھو۔
ابتدائی خرچہ چھوٹے سکیل 1 مشین کے لیے 10-25 لاکھ روپے مشین 5-15 لاکھ، انسٹالیشن 1-2 لاکھ، لائسنس 1-3 لاکھ۔
ماہانہ چلانے کا خرچہ بجلی 50 ہزار سے 1 لاکھ، یہ صرف اندازہ ہے پر بل اس سے کہیں زیادہ آئے گا۔انٹرنیٹ 2-5 ہزار، کل 60 ہزار سے 1.2 لاکھ۔
ایک مشین سے ماہانہ 0.0005-0.001 BTC مل سکتا ہے، جو $100,000 قیمت پر Rs 1-2 لاکھ کی کمائی دے، لیکن لاگت کاٹو تو منافع کم رہے گا۔
کل ایک BTC بنانے کی لاگت تقریباً 1.5 کروڑ روپے وہ بھی سبسڈی پر۔
خطرات بجلی کی کمی، مشین خراب ہونا، BTC قیمت گرنا، ابتدائی 6-12 مہینے نقصان ممکن۔
شروع کرنے کے لیے Crypto Council سے رابطہ کرو، WhatToMine.com سے کیلکولیٹ کرو، یوٹیوب ٹیوٹوریل دیکھو۔ یہ بزنس بڑی کمپنیوں کے لیے بہتر ہو سکتا ہے۔ پر نئے اور تازہ beginners احتیاط سے کریں۔
معلومات سے کچھ سیکھنے کو ملا ہو تو اسے باقی لوگوں کیلئے بھی شیئر کریں۔
اور کیا آپ نے کبھی بٹ کوائن بنانے کا کاروبار کرنے کا خود سے سوچا ہے؟ کمنٹ میں ضرور بتائیے گا؟
$BTC