Holiday မှာ Trade တာက ပျော်စရာကောင်းလား
သူများတွေသူသူကိုယ်ကိုယ် အားလပ်ရက်မှာ ခရီးတွေသွား၊ အပန်းဖြေနေပေမဲ့ ကျွန်တော်တို့ Crypto သမားတွေက ခရီးသွားရင်လည်း Chart က ခေါင်းထဲကမထွက်ဘူးလေ။ ဒါပေမဲ့ သတိထားနော်... အားလပ်ရက်မှာ Trade တာက ပျော်စရာကောင်းသလိုလိုနဲ့ တကယ်တော့ 'မီးကစားနေသလိုပါပဲ
အားလပ်ရက်ဆိုရင် Institution ကြီးတွေက စာရင်းပိတ်ပြီး အပန်းဖြေကုန်ကြပြီ။ Market Maker တွေလည်း အိမ်ပြန်ကုန်ပြီ။ အဲဒီတော့ ဈေးကွက်ထဲမှာ လူသိပ်မရှိတော့ဘူး။ လူနည်းရင် ဘာဖြစ်လဲဆိုတော့... Whale တစ်ကောင်က အိပ်ချင်မူးတူးနဲ့ အော်ဒါအမှားနှိပ်လိုက်ရင်တောင် ဈေးကွက်ကြီးက ဆတ်ခနဲ ဆတ်ခနဲ ခုန်နေတော့တာ။ ဒါကို Thinner Liquidity လို့ ခေါ်တယ်။ ပုံမှန်ဆို ဗုံးကြဲမှ လှုပ်မယ့်ဈေးက ဒီလိုအချိန်မှာ ရှူးဒိုင်းလေးတစ်ချက် ဖောက်လိုက်ရုံနဲ့တင် လန့်ပြီး ကောင်းကင်ပေါ် ပျံတက်သွားတာမျိုး၊ ဒါမှမဟုတ် ချောက်ထဲ ထိုးဆင်းသွားတာမျိုး ဖြစ်တတ်တယ်ဗျ။
ကျွန်တော်တို့ကတော့ 'Holiday ပဲကွာ... အနားယူဦးမယ်' ဆိုပြီး ဖုန်းပိတ်ထားလို့ ရတာပေါ့။ ဒါပေမဲ့ Exchange က Liquidation Engine ကတော့ 'ရုံးပိတ်ရက် မရှိဘူး' နော်။ ကိုယ်က ရေကူးကန်ထဲမှာ ရေကူးနေတုန်း ကိုယ့် Position က Liquidation ဖြစ်ပြီး ရေထဲပါသွားနိုင်တယ်။ ကိုယ့်ဖုန်းမှာ အင်တာနက်လိုင်း မရှိတဲ့အချိန်ကျမှ ဈေးက ဆွဲချတာမျိုးက Crypto ရဲ့ ထုံးစံပဲလေ။
Trader ကောင်းဆိုတာ 'ဘယ်အချိန်မှာ နားရမလဲ' သိတဲ့သူပါ။ အားလပ်ရက်မှာ အရဲစွန့်ပြီး 'Catch the move' လုပ်မယ်ဆိုပြီး အတင်းဝင်တာက အပျော်ခရီးထွက်ရင်း အလှူလိုက်ခံနေသလိုပဲ၊ မဟုတ်သေးဘူးလေ။ အဓိကက Survival ပါပဲ။ အားလပ်ရက်မှာ အရင်းမပြုတ်ဖို့က January မှာ အမြတ်ရဖို့ထက် ပိုအရေးကြီးပါတယ်။ အခွင့်အရေးဆိုတာ ကားဂိတ်က ကားတွေလိုပါပဲ၊ တစ်စီးလွတ်သွားရင် နောက်တစ်စီး လာမှာပါ။
ဒါပေမဲ့ ကျွန်တော်ကတော့ မ trade ရရင် ထမင်းမဝင်ဘူး' ဆိုတဲ့သူတွေအတွက်လည်း ဆေးနည်းပေးပါမယ်ခင်ဗျာ
Leverage လျှော့ပါ - ၁၀၀ ဆ တို့ ဘာတို့ သွားမလုပ်နဲ့။ အသားကင်စားရင်း အသက်ရှူရပ်သွားလိမ့်မယ်။
Stop-Loss ကို မဖြစ်မနေထည့်ပါ - SL မပါဘဲ Trade တာက ဘရိတ်မပါတဲ့ကားနဲ့ တောင်ပေါ်တက်သလိုပဲ။
Limit Order ပဲသုံ - Market Order နဲ့ အတင်းလိုက်မဝယ်နဲ့။ ဈေးကွက်ထဲ လူနည်းနေတော့ ကိုယ်ဝယ်လိုက်တဲ့ဈေးက ကောင်းကင်ဘုံ ရောက်နေနိုင်တယ်။
တစ်ခါတလေကျရင် 'ဘာမှမလုပ်တာက အကောင်းဆုံးအလုပ်' ပဲဗျ။ Stablecoin ထဲပြောင်းထား၊ ဒါမှမဟုတ် Spot မှာပဲ ဒီအတိုင်းပစ်ထားပြီး မိသားစုကို အချိန်ပေးလိုက်ပါ။ Professional တွေတောင်မှ အားလပ်ရက်မှာ ဘာမှမလုပ်ဘဲ နေတတ်ကြတာပဲ။ အဲဒါကို ရှက်စရာလို့ မထင်ပါနဲ့။ ကိုယ့် Portfolio က စိမ်းနေမှ ကိုယ့်စိတ်ကလည်း လန်းဆန်းမှာလေ။
ဒါကြောင့် ဒီနှစ် အားလပ်ရက်မှာတော့ ဖုန်းလေးခဏချ၊ Chart တွေ ခဏမေ့ပြီး စိတ်ချမ်းသာအောင် အနားယူလိုက်ကြပါဦး။ ပိုက်ဆံဆိုတာ အေးဆေးမှ ပြန်ရှာလို့ရတာပါ။ အားလုံးပဲ Liquidate မဖြစ်ဘဲ ပျော်ရွှင်စရာ အားလပ်ရက်လေး ပိုင်ဆိုင်နိုင်ကြပါစေဗျာ
Binance Account ဖွင့်ရန် ရာသက်ပန် 20% discount link (Click Here)
#MarketRebound #StrategyBTCPurchase #WriteToEarnUpgrade #CPIWatch
