Негізгі тұжырымдар
APRO – әртүрлі блокчейн қолданбаларына сенімді әрі қауіпсіз деректер ұсынуға арналған орталықтандырылмаған оракул.
Ол офчейн және ончейн процестерді біріктіре отырып, нақты уақыттағы деректерді екі тәсілмен жеткізеді: Data Push және Data Pull.
Платформада ЖИ арқылы тексеру, расталатын кездейсоқтық және деректердің сапасы мен қауіпсіздігін қамтамасыз ететін екі деңгейлі желі секілді озық функциялар бар.
APRO 40-тан астам блокчейн желілерінде криптовалюталар мен акциялардан бастап жылжымайтын мүлік пен ойын деректеріне дейінгі түрлі актив түрлерін қолдайды.
Сондай-ақ ол блокчейн инфрақұрылымымен тығыз жұмыс істеп, интеграцияны жеңілдету арқылы шығынды азайтып, өнімділікті арттыра алады.
Кіріспе
Блокчейндегі смарт келісімшарттардың дұрыс жұмыс істеуі үшін көбінесе нақты әлем деректеріне қол жеткізуді қажет етеді. Мұндай кезде оракул қажет – олар блокчейн желілерін сыртқы ақпаратпен байланыстырады. APRO (AT) – қаржы, ойын саласы, жасанды интеллект және болжам нарықтары сияқты түрлі салаларға дәл, қауіпсіз әрі қолжетімді деректер ұсынатын орталықтандырылмаған оракул қызметі.
APRO қалай жұмыс істейді?
APRO қызметінің бірегей екі деңгейлі желісі бар. OCMP деп аталатын бірінші деңгей – деректерді жинап, блокчейнге жіберетін түйіндер тобы. Бұл түйіндер деректердің дәлдігін тексеру үшін бір-бірін тексереді. Екінші деңгейі – EigenLayer желісі, ол деректерді қайта тексеріп, даулы мәселелерді шешетін төреші іспетті. Бұл жүйе қауіп-қатерді азайтып, платформаның қауіпсіздігін қамтамасыз етеді.
Желідегі қатысушылар стейкингке токендерді салып, кепілдік береді. Олар қате деректер жіберсе немесе жүйені теріс пайдаланса, оның бір бөлігін жоғалтады. Түйіндерден тыс пайдаланушылар да депозитті стейкингке салып, күдікті әрекеттерді хабарлауға құқылы. Бұл желінің адалдығын сақтауға көмектеседі.
Деректерді жеткізу: Data Push және Data Pull
APRO деректерді блокчейндерге екі негізгі тәсілмен жеткізеді:
Data Push: түйіндер жаңартуларды тұрақты түрде немесе баға белгілі бір деңгейде өзгерген кезде жібереді. Бұл деректердің өзектілігін сақтап, блокчейнді шамадан тыс жүктемей жүйені мастштабтауға көмектеседі.
Data Pull: үнемі жаңартудың орнына, деректер тек нақты қажеттілік болған кезде алынады. Бұл тәсіл, әсіресе, DeFi қолданбалары мен биржалары үшін шығынды азайтуға, жылдамдық пен икемділікті арттыруға мүмкіндік береді.
Екі тәсіл де түйіндер арасындағы криптография мен консенсусты қолданып, деректердің дұрыстығы мен сенімділігін қамтамасыз етеді.
Қолдау көрсетілетін активтер мен желілер
APRO дерек түрлерінің кең ауқымын қамтиды, оның ішінде:
Криптовалюталар мен токендер.
Шынайы әлем активтері – акциялар, облигациялар, тауарлар және жылжымайтын мүлік.
Әлеуметтік желі трендтері мен макроэкономикалық индикаторлар.
Болжам нарықтарындағы оқиғалардың нәтижелері.
Ойын деректері және тағы басқа.
APRO 40-тан астам блокчейнмен жұмыс істейді, оның ішінде Биткоин, Ethereum, BNB Chain (және басқа да EVM машинасына үйлесімді желілер), Aptos, Solana және TON.
Деректердің дәлдігі мен қауіпсіздігін сақтау
APRO деректердің тұтастығы мен жүйе қауіпсіздігіне төмендегідей басымдық береді:
Бір ғана дереккөзге тәуелді болмас үшін, бірнеше дербес дереккөзден ақпарат жинайды.
Әдеттен тыс деректерді немесе қателерді тез анықтау үшін жасанды интеллект құралдарын пайдаланады.
Актив бағаларын әділ әрі дәл есептеу үшін Уақыт пен көлем бойынша өлшенген орташа баға (TVWAP) әдісін қолданады.
Адал мінез-құлықты стейкинг сыйақысы мен айыппұл арқылы ынталандырады.
Жүйені тұрақты аудиттен өткізу үшін қауіпсіздік компанияларымен серіктестеді.
Арнайы Verdict Layer арқылы деректерге қатысты дауларды шешіп, құпиялықты сақтайды.
APRO ұсынған Тексерілетін кездейсоқтық функция (VRF)
Сондай-ақ APRO әділ және бұрмаланбайтын кездейсоқ сандар беретін Тексерілетін кездейсоқтық функциясын ұсынады. Бұл ойындар, орталықтандырылмаған автономды ұйымдар (DAO) және кездейсоқтыққа тәуелді басқа да блокчейн қолданыстары үшін маңызды.
Дамыған қолтаңба алгоритмдері мен интеллектуалды верификация сатылары арқылы құрылған APRO қызметінің VRF функциясы дәстүрлі шешімдерден жылдамырақ. Ол фронт-ранинг шабуылдарына төтеп беру тәсілдерін енгізіп, Solidity және Vyper смарт келісімшарттарымен үйлесімді бірыңғай қолжетімділік деңгейі арқылы жылдам интеграцияны қолдайды.
Қолдану аясына «ойнау арқылы табыс табатын» ойындардағы әділ сыйақылар, орталықтандырылмаған басқару комитеттерінің мүшелерін таңдау, ончейн қаржы келісімшарттарын қорғау, бірегей NFT белгілерін жасау кіреді.
Оңай интеграция және қауымдастық қолдауы
APRO әзірлеушілерге блокчейн қолданбаларын оракул қызметіне тез қосуға көмектесетін ыңғайлы API интерфейстері мен түсінікті құжаттама береді. Сондай-ақ ол деректерді өңдеуді жетілдіріп, шығынды азайтатын APRO Bamboo секілді бағдарламалар арқылы блокчейн жобаларымен тығыз жұмыс істейді. APRO қауымдастығы әзірлеушілер мен қауымдастық мүшелерін бірігуге шақыра отырып, ынтымақтастық пен дамуды қолдайды.
Қорытынды ойлар
APRO (AT) – әртүрлі блокчейн экожүйелері мен актив типтері бойынша қауіпсіз, дәл әрі тиімді деректер жеткізуге арналған әмбебап орталықтандырылмаған оракул платформасы. Оның екі деңгейлі желі, ЖИ көмегімен жетілдірілген тексеру және расталатын кездейсоқтық секілді инновациялық технологиялары DeFi, шынайы әлем активтерін токендеу, ойын индустриясы мен басқа да салалардың талаптарына толық жауап береді.
Толығырақ оқу
Жауапкершіліктен бас тарту туралы мәлімдеме: Бұл контент тек жалпы ақпарат пен білім беру мақсатында өкілдіксіз немесе кепілдіксіз «сол күйінде» ұсынылады. Ол қандай да бір қаржылық, заңды немесе кәсіби кеңес ретінде қарастырылмауы тиіс. Белгілі бір өнімді немесе қызметті сатып алуды ұсынуға арналмаған. Тиісті кәсіби мамандардан жеке кеңес алуыңыз керек. Бұл мақалада аталған өнімдер өңіріңізде болмауы мүмкін. Егер мақалаға үшінші тарап авторы үлес қосқан болса, мақалада айтылған көзқарастар авторға тиесілі және міндетті түрде Binance Academy ұстанымына сәйкес дегенді білдірмейді. Толығырақ ақпарат алу үшін толық жауапкершіліктен бас тарту туралы мәлімдемені оқып шығыңыз. Цифрлық актив бағалары құбылмалы болуы мүмкін. Инвестицияңыздың құны төмендеуі немесе көтерілуі мүмкін, бастапқы салым сомасын қайтара алмауыңыз ықтимал. Сіз инвестициялық шешіміңіз үшін толық жауаптысыз, Binance Academy қандай да бір шығындарыңызға жауапкершілік алмайды. Бұл материал қаржылық, заңды немесе кәсіби кеңес деп есептелмеуі тиіс. Қосымша ақпаратты Пайдалану шарттары мен Тәуекел туралы ескертпе бөлімдерінен оқыңыз.