Негізгі тұжырымдар
Midnight желісі – деректерді қорғауды қамтамасыз ету үшін нөлдік білім (ZK) смарт келісімшарттарын пайдаланатын 1-деңгейлі блокчейн.
Жобаның нативтік токені NIGHT құпиялылыққа бағытталған монеталардан ерекшеленеді, себебі ол ашық әрі жария түрде болады. Сонымен қатар ол транзакция алымдарын төлеуге арналған, қайта қалыптасатын ресурс, DUST токендерін жасау үшін пайдаланылады.
Актив (NIGHT) пен ресурс (DUST) бөлінуі арқылы Midnight әзірлеушілерге жылдамдық пен пайдаланудың жеңілдігін төмендетпей, деректерді қорғай алатын қолданбалар жасауға мүмкіндік береді.
Кіріспе
Қазіргі блокчейндер әдетте ашықтыққа немесе құпиялылыққа біржақты бейімделген, бұл олардың шынайы әлемде қолданылуына кедергі келтіреді. Жария блокчейндерде әрбір транзакция көрініп тұрады, бұл сенімді арттырғанымен, пайдаланушылар құпиялылығының бұзылу қаупін туындатады.
Екінші жағынан, толық жабық жүйелер тым көп ақпаратты жасыруы мүмкін, бұл ережелердің сақталуын тексеруді қиындатады. Бұл бизнес үшін, реттеуші органдар үшін және ашықтық пен құпиялылықтың тепе-теңдігін қажет ететін қарапайым пайдаланушылар үшін қиындықтар туындатады.
Midnight осы мәселеге теңгерімді шешім ұсынады. Ол «рационалды құпиялылық» тұжырымдамасын қолданады, яғни ақпарат оны ашуға нақты себеп болған жағдайда ғана жария етіледі. Бұл пайдаланушыларға өздері ашқысы келмейтін деректерді көрсетпей-ақ, маңызды мәліметтерді растауға мүмкіндік береді.
Midnight дегеніміз не?
Midnight – деректерді қорғау мен құпиялылықты ескере отырып жасалған 1-деңгейлі блокчейн. Ол ақпаратты тек қажетті деректерді жібере отырып, таңдаулы түрде ашуға мүмкіндік береді. Бұл нөлдік білім (ZK) смарт келісімшарттары арқылы жүзеге асады, олар пайдаланушыларға негізгі деректерді ашпай-ақ бір нәрсенің рас екенін дәлелдеуге мүмкіндік береді. Мысалы, нақты туған күніңізді бөліспей-ақ жасыңызды дәлелдей аласыз.
Midnight қалай жұмыс істейді?
Midnight нақтырақ айтқанда ZK-SNARKs (Zero-Knowledge Succinct Non-Interactive Arguments of Knowledge) технологиясына сүйенеді, ол жылдам тексерілетінімен белгілі. Бұл дәлелдер жүйеге негізгі деректердің барлығын ашпай-ақ белгілі бір фактілердің шынайы екенін растауға мүмкіндік береді.
Іс жүзінде бұл құпия ақпараттың блокчейнге жарияланбай, пайдаланушының құрылғысында қалатынын білдіреді. Бұл ақпараттың тарап кетуі немесе теріс пайдаланылу тәуекелін азайтады. Сонымен қатар желі транзакциялар мен шарттарды әлі де тексере алады, сондықтан пайдаланушылар қолданбалармен қауіпсіз әрекеттесе алады.
Midnight сондай-ақ «құпиялылық трилеммасын» шешуге бағытталған. Бұл – құпиялылықты, бағдарламаланатын смарт келісімшарттарды және реттеуші талаптарға сәйкестікті бір уақытта қолдау қиындығы. Көптеген блокчейндер бұл мақсаттардың біреуін немесе екеуін ғана қатар орындай алады. Midnight әзірлеушілерге пайдаланушы құпиялылығын қорғай отырып, функционалды әрі талаптарға сай қолданбалар құруға мүмкіндік беру үшін жасалған.
Midnight-ті қалай пайдалануға болады?
Midnight толықтай ашық блокчейндерде іске асыру қиын болатын шынайы әлем қолданбаларын құруға мүмкіндік береді. Олардың шағын үлгісі мыналарды қамтиды:
Жеке басты растау: егер сізге жұмысқа орналасу үшін цифрлық жүргізуші куәлігі немесе білім туралы сертификаттар сияқты цифрлық жеке куәліктер мен құжаттарды ұсыну қажет болса, Midnight мұны іріктеп әрі қауіпсіз жасауға мүмкіндік береді, осылайша қосымша немесе құпия ақпаратты (мысалы, нақты туған күніңізді немесе үй мекенжайыңызды) қорғай аласыз.
Сауалнама және дауыс беру: сіз дауыс беріп, дауысыңыз шынымен құпия сақталды ма деп ойланған кезіңіз болды ма? Midnight жеке ақпаратты ашпай-ақ немесе әр адамның таңдауын жазбай-ақ дауыс беру процесінде қатысуға құқылы екенін және қатысу мәртебесін дәлелдей алады.
Midnight сондай-ақ кроссчейн құпиялылық қабаты ретінде әрекет етуге арналған: ол басқа тізбектерді алмастырмайды, керісінше олардың үстінен құрылады. Содан кейін басқа желілер өздерінің негізгі жүйелерін өзгертпей-ақ құпиялылық мүмкіндіктерін қоса алады. Бұл әзірлеушілер мен ұйымдарға қолданыстағы құралдары мен экожүйелерін пайдалана отырып, Midnight-ті енгізуді жеңілдетеді.
NIGHT токені
NIGHT – Midnight желісінің нативтік токені. Транзакция мәліметтерін жасыруға бағытталған құпиялылық монеталарынан айырмашылығы, NIGHT ашық, яғни жария түрде көрінеді. Оның негізгі функциялары – утилити және басқару: пайдаланушылар токенді иелену арқылы желідегі шешімдерге қатысып, жүйенің ұзақ мерзімді дамуын қолдай алады.
Midnight-тегі транзакцияларды іске қосатын қорғалған ресурс немесе «отын» саналатын DUST те құпиялылық пен ашықтық арасындағы қайшылықты шешуді мақсат етеді. Егер блокчейнді іске қосатын отын қорғалмаған болса, транзакция мәліметтері мен пайдаланушылардың жеке басы ашылып қалуы мүмкін. Алайда ол қорғалған болса, блокчейн токендері реттеуші мәселелерге байланысты листингте қиындықтарға тап болуы ықтимал. Midnight бұл мәселені DUST-ті аударылмайтындай ету арқылы шешеді.
Бұл модель кейбір реттеушілік мәселелерді шешуге көмектеседі және пайдаланушылар үшін төлемдерді болжамды етеді. NIGHT бекітілген қоры бар актив ретінде әрекет етеді (барлығы 24 миллиард токен), ал DUST - NIGHT ұстау арқылы алынған жаңартылатын ресурс.
Binance ходлер эйрдроптарындағы Midnight (NIGHT)
2026 жылдың 11 наурызы Binance NIGHT токенін Binance Ходлер эйрдроптарындағы 61-жоба ретінде жариялады. 16-18 ақпан аралығында BNB-ді Simple Earn және/немесе Ончейн кірістер өнімдеріне жаздырған пайдаланушылар NIGHT эйрдроптарын алуға құқылы болды. Бағдарламаға жалпы 240 миллион NIGHT токені бөлінді. Бұл жалпы токен ұсынысының 1%-ын құрайды.
NIGHT токені Сид-тег қолданылып листингке енгізілді. Бұл USDT, USDC, BNB және TRY жұптарына қарсы сауда жасауға мүмкіндік берді.
Қорытынды ойлар
Midnight пайдаланушыларға ашықтық пен құпиялылық қатар өмір сүре алатын шешім ұсынады. Құпиялылықты әдепкі етіп жасау және бақыланатын ақпаратты жариялауға мүмкіндік беру арқылы Midnight қатаң құпиялылық пен сәйкестік ережелері бар салаларды қолдай алады.
Қосымша оқу
Жауапкершіліктен бас тарту туралы мәлімдеме: бұл контент сізге тек жалпы ақпарат және білім беру мақсатында, ешқандай мәлімдемесіз немесе кепілдіксіз «сол қалпында» ұсынылады. Ол қаржылық, құқықтық немесе өзге де кәсіби кеңес ретінде қарастырылмауы тиіс және қандай да бір нақты өнімді немесе қызметті сатып алуды ұсынуға арналмаған. Тиісті кәсіби кеңесшілерден өз кеңесіңізді алуыңыз қажет. Бұл мақалада аталған өнімдер сіздің өңіріңізде қолжетімсіз болуы мүмкін. Егер мақала үшінші тарап авторының үлесімен ұсынылса, онда айтылған пікірлер үшінші тарап авторына тиесілі екенін және Binance Academy көзқарасын міндетті түрде білдірмейтінін ескеріңіз. Толығырақ мәлімет алу үшін жауапкершіліктен бас тарту туралы мәлімдемені оқып шығыңыз. Цифрлық активтердің бағасы құбылмалы болуы мүмкін. Инвестицияңыздың құны төмендеуі немесе өсуі мүмкін және сіз салған соманы қайтара алмауыңыз ықтимал. Инвестициялық шешімдеріңіз үшін толықтай өзіңіз жауаптысыз, ал Binance Academy сіз шегуі мүмкін кез келген шығындар үшін жауап бермейді. Бұл материал қаржылық, құқықтық немесе өзге де кәсіби кеңес ретінде қарастырылмауы тиіс. Қосымша ақпарат алу үшін Пайдалану шарттары және Тәуекел туралы ескерту бөлімдерін қараңыз.