Crypto ဈေးကွက်ဟာ ၂၀၂၆ ခုနှစ်နား နီးကပ်လာတာနဲ့အမျှ ရင်းနှီးမြှုပ်နှံသူ တော်တော်များများရဲ့ စိတ်ဝင်စားမှုက အရေးကြီးတဲ့ မေးခွန်းတစ်ခုဆီ ပြန်ရောက်လာပါတယ်။
အဲဒါကတော့ "Altcoin Season နောက်တစ်ခါ လာတော့မှာလား" ဆိုတာပါပဲ။
အတိတ်က အချက်အလက်တွေကို ကြည့်ရင် အခုလက်ရှိ ဖြစ်ပေါ်နေတဲ့ ပုံစံဟာ အရင် Circle အဆက်ဆက်မှာ Altcoin တွေ အကြီးအကျယ် ဈေးမတက်ခင် ဖြစ်လေ့ရှိတဲ့ အခြေအနေမျိုးနဲ့ တော်တော်လေး ဆင်တူနေတာကို တွေ့ရပါတယ်။
Altcoin တွေ အရှိန်နဲ့ မတက်ခင် ထပ်ခါတလဲလဲ ဖြစ်တတ်တဲ့ ပုံစံများ
အရင်တုန်းက Altcoin တွေ ဈေးတက်တဲ့ကာလ (Bull Run) ဟာ အရေးကြီးတဲ့ စီးပွားရေး အခြေအနေတွေ ပြန်လည် ပြေလျော့လာပြီးနောက်မှာ ဖြစ်လေ့ရှိပါတယ်။ အထူးသဖြင့် အမေရိကန်ဗဟိုဘဏ်က ငွေကြေးစီးဆင်းမှု ထိန်းချုပ်တာကို လျှော့ချလိုက်တဲ့အခါ ဒါမှမဟုတ် ရပ်တန့်လိုက်တဲ့အခါမှာ ရင်းနှီးငွေတွေဟာ အန္တရာယ်များတဲ့ ပိုင်ဆိုင်မှု (Risk Assets) တွေဆီ ပြန်စီးဝင်လာတတ်ပါတယ်။
ငွေကြေးစီးဆင်းမှု ပြန်ကောင်းလာတဲ့အခါ Altcoin တွေဟာ Bitcoin ထက် ပိုပြီး မြန်မြန်ဆန်ဆန်နဲ့ အားကောင်းကောင်း တုန့်ပြန်လေ့ရှိပါတယ်။ ဒါက အရင် Circle တွေမှာ မြင်ဖူးနေကျ ပုံစံပါပဲ။ အထူးသဖြင့် ၂၀၂၀ ခုနှစ်တုန်းက မူဝါဒတွေ ပြေလျော့သွားပြီးနောက် Altcoin ဈေးကွက်တန်ဖိုးဟာ အရှိန်အဟုန်နဲ့ တက်သွားခဲ့တာမျိုး ဖြစ်ပါတယ်။
Altcoin တွေက ဘာလို့ ဈေးမတက်ခင် အရင်ဆုံး ပြန်ကျတတ်တာလဲ
Altcoin တွေဟာ အရေးကြီးတဲ့ အတားအဆီး (Resistance) တွေကို ဖြတ်ကျော်ပြီး ဈေးမတက်ခင်မှာ ဈေးကွက်ဟာ အချိန်အတော်ကြာ ပြန်လည် ပြုပြင်ပြောင်းလဲတဲ့ ကာလ (Correction Phase) ထဲကို ဝင်ရောက်လေ့ရှိပါတယ်။
ဒီကာလရဲ့ ထူးခြားချက်ကတော့ အနိမ့်ဆုံး ဈေးတန်း (Support) ကို ထပ်ခါတလဲလဲ စမ်းသပ်တာ၊ ရေတို အကျိုးအမြတ်အတွက် ပြန်ရောင်းကြတာနဲ့ Leverage အများကြီးသုံးပြီး ကစားတဲ့သူတွေ (Liquidation) ခံရတာမျိုးတွေ ဖြစ်တတ်ပါတယ်။
ဒီလို အခြေအနေမျိုးမှာ ဈေးကွက်က အားနည်းနေသလို ထင်ရပေမဲ့ တကယ့် တည်ဆောက်ပုံအရတော့ ဒါဟာ ဈေးကွက်ကို ပြန်လည် သန့်စင်လိုက်တာ (Reset) ပါပဲ။ ပိုနေတဲ့ Leverage တွေကို ဖယ်ထုတ်လိုက်ပြီး ဈေးအရှိန်နဲ့ မတက်ခင်မှာ asset တွေကို ရင်းနှီးငွေ ပိုတောင့်တင်းတဲ့သူတွေလက်ထဲ ရောက်အောင် ဖြန့်ဝေပေးလိုက်တဲ့ သဘောပါပဲ။
၂၀၂၀ က သင်ခန်းစာများ
၂၀၂၀ ခုနှစ်တုန်းက Altcoin တွေဟာ ဦးတည်ချက်မရှိဘဲ လပေါင်းများစွာ လှုပ်ခတ်နေခဲ့ပါတယ်။ ဈေးကွက် မတည်ငြိမ်မှုနဲ့ ဆက်တိုက် ရောင်းထုတ်မှုတွေကြောင့် trader တော်တော်များများ ဈေးကွက်ထဲက ထွက်သွားခဲ့ကြပါတယ်။
ဒါပေမဲ့ ရေရှည် အနိမ့်ဆုံး ဈေးတန်း (Support) က ဆက်ရှိနေပြီး ငွေကြေးစီးဆင်းမှု ပြန်ကောင်းလာတဲ့အခါ Altcoin ဈေးကွက်ဟာ အပြင်းအထန် ကျယ်ပြန့်လာခဲ့ပါတယ်။ coins တော်တော်များများဟာ အဆပေါင်း ၁၀ (၁,၀၀၀%) ကျော်အထိ အကျိုးအမြတ် ပေးနိုင်ခဲ့ပါတယ်။
ဒီ Circle ကနေ ရတဲ့ အဓိက အချက်ကတော့- ငြိမ်သက်နေပြီး ဦးတည်ချက်မရှိတဲ့ အချိန်ဟာ များသောအားဖြင့် ကြီးမားတဲ့ လှုပ်ရှားမှုကြီးတစ်ခုရဲ့ အစပဲ ဖြစ်ပါတယ်။
၂၀၂၅-၂၀၂၆ ပုံစံက အရင်အတိုင်း ပြန်ဖြစ်လာနေပြီ
လက်ရှိ ဈေးကွက် တည်ဆောက်ပုံဟာ အရင်တုန်းက ပြန်လည် ဦးမော့လာတဲ့ အချိန်တွေနဲ့ ဆင်တူနေတာကို စတင် မြင်တွေ့နေရပါပြီ။ Altcoin တွေရဲ့ ဈေးကွက်တန်ဖိုး (Market Cap) ဟာ ရေရှည် အနိမ့်ဆုံး ဈေးတန်း (Support Zone) နားကို ပြန်ရောက်လာပြီး Liquidation တွေလည်း ဆက်တိုက် ဖြစ်နေပါတယ်။
တစ်ချိန်တည်းမှာပဲ ကမ္ဘာလုံးဆိုင်ရာ ဘဏ္ဍာရေး အခြေအနေတွေက ငွေကြေးထိန်းချုပ်မှုကာလ ပြီးဆုံးတော့မယ့် အချက်ပြမှုတွေ ပေးနေပါတယ်။ ဒါဟာ အရင်က Altcoin တွေ ဈေးမတက်ခင်မှာ အမြဲတမ်း တွေ့ရလေ့ရှိတဲ့ အချက်တစ်ခု ဖြစ်ပါတယ်။
ငွေကြေးစီးဆင်းမှုက အဆုံးအဖြတ်ပေးမယ့် အရာပါပဲ။အရေးကြီးဆုံး အချက်ကတော့ ငွေကြေးစီးဆင်းမှု (Liquidity) ပါပဲ။ အကယ်လို့ ရင်းနှီးငွေတွေ ဈေးကွက်ထဲကို တကယ် ပြန်စီးဝင်လာမယ်ဆိုရင် အတိတ်က ဖြစ်ရပ်တွေအရ Altcoin ဈေးနှုန်း အပြောင်းအလဲဟာ တဖြည်းဖြည်းချင်း ဖြစ်တာမျိုး မဟုတ်ဘဲ အရမ်း မြန်မြန်ဆန်ဆန် ဖြစ်သွားတတ်ပါတယ်။
အရင် Market Circle တွေမှာ ငွေတွေ ပြန်ဝင်လာတဲ့အခါ ဈေးကွက်က အရမ်းမြန်လွန်းလို့ ရင်းနှီးမြှုပ်နှံသူ အများစု ပြင်ဆင်ချိန်တောင် မရလိုက်ပါဘူး။ ဒါ့ကြောင့် အခြေအနေတွေ အရမ်း ရှင်းလင်းသွားတာကို ထိုင်စောင့်နေတဲ့သူတွေဟာ အစောပိုင်း အခွင့်အရေးတွေကို လက်လွတ်သွားတတ်ပါတယ်"
#Altcoins2026
