دليل المبتدئ من الصفر 💡
🎯 هدف المقالة
بهالمقالة رح نتعرّف على أهم مصطلحات التداول يلي بتشوفها على منصة Binance، خصوصي بالـ Spot و Futures، لحتى تفهم شو عم تقرأ قبل ما تضغط أي زر 😌
إذا فهمت المصطلحات = نص الطريق قطعته ✔️
1️⃣ Trading =التداول
يعني شراء وبيع العملات الرقمية بهدف تحقيق ربح.
📌 مثال:
تشتري عملة بسعر منخفض وتبيعها بسعر أعلى 📈
2️⃣ Spot Trading = التداول الفوري 💸
يعني:
تشتري العملة وتملكها فورًا
الربح فقط إذا السعر ارتفع
ما في رافعة مالية
📌 مهم:
بالـ Spot ما بتربح إذا السعر نزل.
3️⃣ Futures Trading = تداول العقود المستقبلية
يعني:
ما بتملك العملة فعليًا
بتراهن على السعر طالع أو نازل
في رافعة مالية (خطورة أعلى)
📌 رح نخصص له مقالة لحاله لاحقًا.
4️⃣ Pair = زوج التداول 🔗
Pair = زوج التداول
هو العملتين يلي عم تتداول بينن.
📌 مثال:
BTC/USDT
يعني:
تشتري بيتكوين (BTC)
مقابل تيذر (USDT)
5️⃣ Order = أمر / طلب 📋
Order = أمر التداول
هو الطلب يلي بتعطيه للمنصة (شراء أو بيع).
أنواعه:
Market Order = أمر السوق
Limit Order = أمر محدد
Stop Order = أمر إيقاف
(رح نشرحهم بالتفصيل بالمقالات الجاية)
6️⃣ Market Order = أمر السوق
شراء أو بيع فورًا بسعر السوق الحالي.
📌 سهل للمبتدئ، بس السعر ممكن يتغيّر بسرعة.
7️⃣ Limit Order = أمر محدد 🎯
بتحدد السعر يلي بدك تشتري أو تبيع فيه، والمنصة بتنتظر.
📌 تحكّم أفضل بالسعر.
8️⃣ Stop Loss = وقف الخسارة 🔴
أهم مصطلح بالتداول 👑
يعني تحدد مسبقًا وين توقف خسارتك.
📌 مثال:
اشتريت عملة بـ100$
حطيت Stop Loss عند 95$
→ إذا نزل السعر، البيع يتم تلقائيًا
9️⃣ Take Profit = جني الأرباح 🟢
تحديد سعر يتم عنده البيع تلقائيًا عند الربح.
📌 هيك بتضمن الربح بدون طمع.
🔟 Wallet = المحفظة
المكان يلي بينحفظ فيه رصيدك.
أنواعها:
Spot Wallet = محفظة التداول الفوري
Futures Wallet = محفظة العقود
Funding Wallet = محفظة P2P
1️⃣1️⃣ Balance = الرصيد 💰
Balance = الرصيد
هو كمية العملات أو الدولار الرقمي يلي عندك بالحساب.
1️⃣2️⃣ Fee = العمولة 💰
المبلغ الصغير يلي بتاخده المنصة مقابل كل عملية تداول.
📌 لازم تنتبه إلها خصوصي إذا بتتداول كتير.
