لماذا يعجز #البيتكوين عن اختراق مستوى 85-90 ألف دولار؟ التحليل يكشف عن دور صناع السوق وتحوط خيارات العقود (Options Hedging) في تثبيت السعر مع ترقب لانتهاء صلاحية عقود ضخمة في 30 يناير 2026 قد تؤدي لانفجار سعري وشيك.
هذا لي لازم تفهمه صديقي المتداول 🔴👇⚠️
يا شباب إذا عم تسألوا حالكم ليش البيتكوين "عالق" بين الـ 85 والـ 90 ألف وما عم يرضى يفك حاله.
القصة مو صدفة ولا هي قلة مشترين الحكاية كلها عند "جماعة الخيارات" (Options Dealers):
مستوى الـ 88 ألف (نقطة التعادل) السعر حالياً قاعد على "نقطة انقلاب" (Flip Level) فوق هاد المستوى صناع السوق بيضطروا يبيعوا كل ما ارتفع السعر لحتى يوازنوا كفتهم وتحت هاد المستوى الضغط البيعي بيزيد أوتوماتيكياً لهيك السعر عم يضل يرجع لهالمنطقة متل المغناطيس.
حائط الـ 90 ألف: كل ما البيتكوين يقرب من الـ 90 ألف في جبل من عقود "الشراء" (Calls) ناطره صناع السوق اللي بايعين هي العقود بيضطروا يبيعوا "بيتكوين حقيقي" (Spot) لحتى يحموا حالهم وهاد اللي عم يكبس السعر كل ما حاول يتنفس.
فخ الـ 85 ألف: وبالمقابل عند الـ 85 ألف في عقود "بيع" (Puts) كتيرة وصناع السوق بيضطروا يشتروا من هون لحتى يوازنوا مراكزهم فبيطلع السعر فوراً.
من الآخر:🔴🟩📈📉
"البيتكوين هلق محبوس بحارة سد" الكبار (الماركت ميكرز) هنن اللي عم يشدوا الحبال من الطرفين لحتى يحافظوا على السعر بهاد النطاق ويقبضوا "عمولات العقود" بجيوبهم.
ليش الأسبوع الجاي هو الأهم؟:
لأنه بـ 30 يناير 2026 رح تخلص صلاحية هي العقود (Options Expiry) وقتها الحبال اللي رابطة السعر رح تنقطع والضغط اللي انحبس كل هالفترة رح ينفجر بجهة وحدة.
نصيحتي الكم :
لا تضيع مصاريك بمضاربات عشوائية إذا ما عندك خبرة كافي للمضاربة لأنك عم تضارب ضد "خوارزميات تحوط" مو ضد بشر.
عينك على تاريخ 30 يناير بعد هاد التاريخ رح نشوف "الحركة الحقيقية" اللي الكل ناطرها
خليك حذر لما بينفك القيد الحركة بتكون عنيفة جداً.
